2025 جىلعى 12 قازاندا سەمەي قالاسىندا قازاقستان تاريحىندا العاش رەت قالا اكىمىنىڭ تىكەلەي سايلاۋى ءوتتى. تاڭعى 07:00-دە بارلىق سايلاۋ ۋچاسكەلەرى ءوز ەسىكتەرىن اشىپ، سايلاۋشىلاردى قابىلدادى، دەپ حابارلايدى Dalanews.kz
قالا بويىنشا بارلىعى 129 سايلاۋ كوميسسياسى ۇيىمداستىرىلدى، ونىڭ ىشىندە 1 اۋماقتىق جانە 128 ۋچاسكەلىك كوميسسيا جۇمىس ىستەدى.
داۋىس بەرۋ پروسەسى تىنىش ءارى ۇيىمداسقان تۇردە، ەشقانداي زاڭبۇزۋشىلىقتار مەن توتەنشە جاعدايلارسىز ءوتتى.
بارلىق سايلاۋشىلار ءۇشىن ىڭعايلى جاعداي جاساۋعا ەرەكشە نازار اۋدارىلدى. مۇگەدەكتىگى بار ازاماتتار ءۇشىن پاندۋستار، تاكتيلدى باعىتتاۋشىلار، سونداي-اق ەرىكتىلەردىڭ كومەگى ۇيىمداستىرىلدى. جاستاردىڭ بەلسەندىلىگى دە ەرەكشە بايقالدى. ولاردىڭ كوپشىلىگى العاش رەت داۋىس بەرىپ، ءوز قالاسىنىڭ بولاشاعىن ايقىنداۋعا قاتىسۋدىڭ ماڭىزىن اتاپ ءوتتى.
سايلاۋ بارىسىن ساياسي پارتيالار، قوعامدىق بىرلەستىكتەر مەن تاۋەلسىز باقىلاۋشىلار قاداعالادى. ولاردىڭ ايتۋىنشا، داۋىس بەرۋ قولدانىستاعى زاڭناما تالاپتارىنا تولىق سايكەس ءوتتى، ال اشىقتىق پەن جاريالىلىق جوعارى دەڭگەيدە قامتاماسىز ەتىلدى.
سەمەيلىكتەر ءوز ۇستانىمدارىن ءبىلدىرىپ، وزگەرىس پەن دامۋعا دەگەن ورتاق نيەتىن كورسەتتى.
