ساياساتتانۋشى عازيز ەبٸشەۆ الداعى ونجىلدىقتاردا مۇنايدىڭ قازاقستان ەكونوميكاسىنداعى ماڭىزى بٸرتٸندەپ تٶمەندەي بەرەتٸنٸن ايتتى, دەپ حابارلايدى dalanews.kz.
ونىڭ پٸكٸرٸنشە, بۇرىنعىداي قوماقتى مۇناي كٸرٸستەرٸنە سەنۋ مٷمكٸن بولمايدى. سوندىقتان ەلگە ەكونوميكانىڭ جاڭا قوزعاۋشى كٷشٸ قاجەت.
ساراپشى تۋريزم مەن كرەاتيۆتٸ يندۋسترييالار بەلگٸلٸ بٸر دەڭگەيدە پايدا ەكەلگەنٸمەن, ولار قازاقستان ەكونوميكاسىنىڭ نەگٸزگٸ تٸرەگٸنە اينالا المايتىنىن اتاپ ٶتتٸ.
«اۋىل شارۋاشىلىعىنىڭ ٶزٸ ەلەمدەگٸ ٸرٸ اگرارلىق مەملەكەتتەردٸڭ جالپى ٸشكٸ ٶنٸمٸندە بٸرنەشە پايىز عانا ٷلەسكە يە. ول كٶبٸنە قوسالقى قىزمەت اتقارادى», – دەيدٸ ەبٸشەۆ.
ونىڭ ايتۋىنشا, قازاقستان جوعارى قوسىلعان قۇنى بار قۋاتتى ٶندٸرٸستەردٸ دامىتۋعا باسىمدىق بەرۋٸ تيٸس. بۇل رەتتە حح عاسىر تەحنولوگييالارىنا نەگٸزدەلگەن ٸرٸ ٶڭدەۋ كەسٸپورىندارى مەن ماشينا جاساۋ زاۋىتتارى عانا ەمەس, ححٸ عاسىردىڭ روبوتتاندىرۋ جەنە جاساندى ينتەللەكت باعىتتارى دا ماڭىزدى رٶل اتقارادى.
ساياساتتانۋشى قازاقستاننىڭ قازٸردٸڭ ٶزٸندە جاڭا تەحنولوگييالارعا بەت بۇرا باستاعانىن اتاپ ٶتتٸ. ونىڭ سٶزٸنشە, وسى اپتادا پرەمەر-مينيستر ولجاس بەكتەنوۆ NVIDIA كورپوراتسيياسىنىڭ ۆيتسە-پرەزيدەنتٸ رەۆ لەبارەديانمەن جەنە Firebird جوباسىنىڭ تەڭ قۇرىلتايشىلارى – باس ديرەكتور رازميك وۆاكيميان مەن الەكساندر ەسايانمەن كەزدەسۋ ٶتكٸزدٸ.
كەزدەسۋ بارىسىندا جاساندى ينتەللەكت ينفراقۇرىلىمىن دامىتۋ مەسەلەلەرٸ تالقىلانعان. ەبٸشەۆتٸڭ پٸكٸرٸنشە, قازاقستان حالىقارالىق جاساندى ينتەللەكت ەكوجٷيەسٸنە قوسىلۋعا ۇمتىلىپ وتىر, ال تسيفرلاندىرۋ مەن جاساندى ينتەللەكت مەملەكەتتٸك ەكونوميكالىق ساياساتتىڭ نەگٸزگٸ باعىتتارىنىڭ بٸرٸنە اينالعان.
ول Firebird جەنە NVIDIA كومپانييالارىمەن جالپى قۇنى 10 ميلليارد دوللار بولاتىن كەلٸسٸمدەر جاسالعانىن ەسكە سالدى. سونىڭ اياسىندا ەكٸباستۇزدا ترانسۇلتتىق كورپوراتسييالار قالىپتاستىرىپ جاتقان جاھاندىق جاساندى ينتەللەكت ينفراقۇرىلىمىنىڭ بٸر بٶلٸگٸ رەتٸندە دەرەكتەردٸ ٶڭدەۋ ورتالىقتارىنىڭ القابى سالىنباق.
ساراپشىنىڭ ايتۋىنشا, ەكٸباستۇزدىڭ تاڭدالۋى زاڭدى. ٶيتكەنٸ قالادا ەلەكتر ەنەرگيياسىنىڭ قورى جەتكٸلٸكتٸ, ٶندٸرٸستٸك بازا قالىپتاسقان جەنە بٸلٸكتٸ كادرلىق ەلەۋەت بار.
عازيز ەبٸشەۆ مۇنداي جوبالاردى جٷزەگە اسىرۋ ۇزاق ەرٸ كٷردەلٸ جۇمىس ەكەنٸن ايتتى. ونىڭ سٶزٸنشە, تەحنولوگييالار ٶتە جىلدام دامىپ جاتقاندىقتان, مەملەكەت ٷزدٸكسٸز جاڭعىرۋعا دايىن بولۋى كەرەك.
«دەرەكتەردٸ ٶڭدەۋ ورتالىقتارى ماينينگ فەرمالارىنا قاراعاندا ەلدەقايدا تيٸمدٸ. ەگەر قازاقستان تۇراقتى سەرٸكتەس رەتٸندە ٶزٸن كٶرسەتە السا, ياعني باسىمدىقتارىن جيٸ ٶزگەرتپەي, شەتەلدٸك ينۆەستورلاردىڭ بيزنەسٸنە كەدەرگٸ كەلتٸرمەسە, حالىقارالىق كورپوراتسييالار مەن ستارتاپتار ٷشٸن تارتىمدىلىعى ارتا تٷسەدٸ», – دەپ جازدى ول.
ساراپشى مۇنداي قادامدار مۇناي ٶندٸرۋ كٶلەمٸ مەن مۇناي-گاز كٸرٸستەرٸ تٶمەندەيتٸن كەزەڭنەن اۋىرتپالىقسىز ٶتٸپ قانا قويماي, جاڭا ەكونوميكالىق مودەلگە كٶشۋدٸڭ مٷمكٸندٸگٸن بەرەتٸنٸن اتاپ ٶتتٸ.
ونىڭ پٸكٸرٸنشە, الداعى بٸرنەشە ونجىلدىقتا ادامزاتتىڭ دامىعان بٶلٸگٸ فيزيكالىق ەڭبەكتٸ بارىنشا ازايتۋ, جوعارى بازالىق تابىس قالىپتاستىرۋ, عارىشتى ينتەللەكتۋالدى ماشينالاردىڭ كٶمەگٸمەن يگەرۋ, سونداي-اق ەنەرگەتيكا, ەكولوگييا جەنە ازىق-تٷلٸك قاۋٸپسٸزدٸگٸ مەسەلەلەرٸن شەشۋ دەڭگەيٸنە جەتەدٸ.
«وسى دامىعان قوعامنىڭ بٸر بٶلٸگٸ بولۋ ٷشٸن كٶپ كٷش سالۋ قاجەت. اشىق ويلايتىن, جىلدام شەشٸم قابىلدايتىن جەنە ٷلكەن ماقسات قويا بٸلەتٸن قازاقتار مۇنداي جەتٸستٸكتەرگە جەتە الادى. ەڭ باستىسى – دامۋ قارقىنىن جٷيەلٸ تٷردە ٷدەتۋ», – دەدٸ عازيز ەبٸشەۆ.
