Qyzylordadaǵy oiyn-saýyq saiabaqtarynyń birinde bolǵan aýyr oqiǵa saldarynan jasóspirim aýrýhanaǵa tústi. Áleýmettik jelilerde taraǵan aqparatqa qaraǵanda, attraktsionda bolǵan tótenshe jaǵdaidan keiin bala aýyr jaraqat alyp, kóp qan joǵaltqan, dep habarlaidy dalanews.kz.
Qazirgi ýaqytta dárigerler onyń jaǵdaiyn turaqtandyrý úshin qajetti em-dom sharalaryn júrgizip jatyr. Osyǵan bailanysty jaqyndary turǵyndardan qan tapsyryp, kómek kórsetýge úndedi.
"Qanǵa muqtaj bolyp jatyrmyz. Qolynan kelgen jandar kómektesip, qan tapsyrsa eken. Balanyń ómiri úshin kúres jalǵasyp jatyr", – delingen habarlamada.
Aldyn ala málimetter boiynsha, oqiǵa attraktsiondardyń birinde bolǵan. Alaida qaiǵyly jaǵdaidyń naqty neden týyndaǵany ázirge belgisiz.
Oqiǵaǵa bailanysty Qyzylorda oblystyq politsiia departamenti men densaýlyq saqtaý basqarmasyna resmi saýal joldandy. Quzyrly organdar mán-jaidy anyqtap jatyr. Resmi aqparat jariialanǵannan keiin material tolyqtyrylady.
