Qazaqstanda memlekettik kirister organdary 50 myń dollardan asatyn valiýtalyq operatsiialardy baqylaýdy josparlap otyr, dep habarlaidy Dalanews.kz.
“Qazaqstan Respýblikasynyń Salyq kodeksin iske asyrý maqsatynda memlekettik kirister organdary men Qazaqstan Ulttyq Bankiniń valiýtalyq operatsiialar týraly aqparat almasý erejeleri bekitiledi. Bul 50 myń dollardan asatyn valiýtalyq operatsiialardy, sonyń ishinde taýarsyz mámilelerdi, rezident emes tulǵalardyń kiristerin jáne “Astana” halyqaralyq qarjy ortalyǵy qatysýshylarynyń operatsiialaryn qamtidy”, – delingen qarjy ministrliginiń joba sipattamasynda.
Jobanyń maqsaty Ulttyq bank pen memlekettik kirister organdary arasyndaǵy aqparat almasýdyń birizdi erejesin ornatý, al kútiletin nátijesi zańsyz kapital shyǵarýdyń aldyn alý jáne jalǵan operatsiialardy júzege asyrý táýekelin azaitý.
“Bul joba memlekettik kirister organdaryna iri valiýtalyq operatsiialar týraly aqparatqa ýaqytyly qol jetkizýdi qamtamasyz etedi, zańsyz kapital shyǵarýdy anyqtaý tiimdiligin arttyrady jáne jalǵan operatsiialardy júrgizý táýekelin azaitady. Sol sebepti áleýmettik-ekonomikalyq, quqyqtyq jáne basqa da jaǵymsyz saldar bolmaidy”, – dep tolyqtyrdy qarjy ministrligi.
