Májilis depýtaty, "AMANAT" partiiasy fraktsiiasynyń múshesi Natalia Dementeva Qazaqstan áskerindegi óz-ózine qol jumsaý oqiǵalaryna qatysty máseleni kóterdi, dep habarlaidy Dalanews.kz.
"Otan aldyndaǵy boryshyn ótep júrgen sarbazdyń anasymyn. Sondyqtan áskerdegi qatygezdik, sarbazdardyń qaza tabýy men óz-ózine qol jumsaý jaǵdailaryna beijai qarai almaimyn. Mundai oqiǵalardy jeke derek retinde qarastyrýǵa bolmaidy. Olar jyldar boiy sheshilmei kele jatqan júieli máselelerdiń bar ekenin kórsetedi", — dedi Dementeva dúisenbi kúni ótken Májilistiń Ishki ister ministrligindegi kóshpeli otyrysynda.
Onyń pikirinshe, mundai jaǵdailar qoǵamnyń qarýly kúshterge ǵana emes, jalpy memlekettik institýttarǵa degen senimin tómendetip otyr.
"Sarbazdardyń beibit ýaqytta qaza tabýyn túbegeili joiý úshin naqty qandai sharalar qabyldanady? Ásker basshylaryn daiyndaý júiesinde mundai qaiǵyly jaǵdailardyń aldyn alý úshin qandai tásilder qoldanylady? Qazaqstan analary óz uldaryn beibit ýaqytta áskerge jiberýge qashan senimdi bola alady?" — dep surady depýtat.
Qorǵanys ministriniń orynbasary Shaih-Hasan Jazyqbaev áskerdegi qiyndyqtar qoǵamdaǵy máselelermen bailanysty ekenin aitty.
"Qorǵanys ministrligi de qoǵam men otbasylardaǵy problemalarmen betpe-bet kelip otyr: qiyn ómirlik jaǵdailar, qaraýsyz qalǵan balalar, esirtkiniń taralýy. Áskerge keletin myńdaǵan jas jigitterdiń arasynda da psihologiialyq turǵyda beiimdelýde qiyndyq kóretinder bar", — dedi ol.
Onyń aitýynsha, qazirgi ýaqytta Qorǵanys ministrligi qosymsha sharalar qabyldap jatyr. Arnaiy ádistemelik qujattar ázirlenip, profilaktika sýbektilerimen kelisimder jasalǵan, al áskeri psihologtar biliktiligin arttyrý kýrstarynan ótýde.
"Búginde áskeri psihikalyq densaýlyq ortalyqtarymen qatar, el boiynsha jergilikti ortalyqtardyń da kómegi qoldanylady", — dedi Jazyqbaev.
Sonymen qatar ol áskerilerge kómek kórsetý úshin zamanaýi tehnologiialar engizilip jatqanyn aitty.
"Jasandy intellekt negizinde jumys isteitin anonimdi Telegram-bottar iske qosyldy. Olar sarbazdar men olardyń otbasylaryna kúizelis pen qiyn ómirlik jaǵdailarmen kúresýge kómektesedi. Sondai-aq áskerge shaqyrý kezinde psihologiialyq diagnostika júrgiziledi. Bolashaqta joǵary oqý oryndarynda qoldanylatyn psihodiagnostikalyq ádisterdi engizý qarastyrylyp jatyr. Al psihologiia mamandyǵynda oqityn stýdentter áskeri bólimderde tájiribeden ótedi", — dedi ol.
Májilis tóraǵasynyń orynbasary Daniia Espaeva bul máseleni tek psihologtardyń kómegimen sheshý múmkin emestigin aitty.
"Eger bul másele tek psihologtar arqyly sheshiletin bolsa, ony áldeqashan sheship bolar edik. Munda, árine, naqty jumys áskeri bólimderdiń óz ishinde júrýi kerek", — dedi Espaeva.
