Memleket basshysy Májilis tóraǵasy Erlan Qoshanovty qabyldady, dep habarlaıdy Dalanews.kz. Aqordaǵa silteme jasap.

Prezıdentke Májilistiń qazirgi qyzmeti týraly baıandaldy. Erlan Qoshanovtyń aıtýynsha, depýtattar el damýyna baǵyttalǵan Prezıdent Joldaýlary men tapsyrmalaryn sapaly ári ýaqytyly zańnamalyq turǵyda qoldaýǵa erekshe kóńil bólýde.

Búginde 15 zań qabyldanyp, Senattyń qaraýyna joldandy. Májiliste 77 zań jobasy qaralýda. Qurylys jáne Sıfrlyq kodekster, sondaı – aq «Bank qyzmeti týraly» zań osy jyldyń sońyna deıin qabyldanady dep josparlanýda.

Sonymen qatar, saılaý týraly, tutynýshylardyń quqyqtaryn qorǵaý, quqyq buzýshylyqtardyń aldyn alý máselelerine qatysty zań jobalary ázirlenip jatyr. Depýtattardyń bastamasymen jergilikti memlekettik basqarý jáne ózin- ózi basqarý týraly zańǵa ózgerister engizý, kreatıvti ındýstrıalardy qoldaý men damytý, ǵylymdy qajet etetin aýmaqtardy damytý, tarıhı- mádenı mura nysandaryn qorǵaý, baý- baqsha seriktestikterine memlekettik qoldaý kórsetýge baılanysty zań jobalary daıyndalýda.

Spıkerdiń aıtýynsha, depýtattar Memleket basshysynyń jasandy ıntellektini damytý jónindegi baǵytyn iske asyrý baǵytynda belsendi jumys isteýde. Qyrkúıek aıynyń sońynda Májilis «Jasandy ıntellekt týraly» zańdy qabyldap, Senatqa joldady. Sonymen qatar, otandyq jáne sheteldik sarapshylardyń qatysýymen Parlamenttik tyńdaýlar ótkizildi.