Prezident Qasym-Jomart Toqaev asyl tuqymdy Aqalteke jylqylaryn kórip, jańadan týǵan qulyndarǵa at qoidy, dep habarlaidy dalanews.kz.
Memleket basshysy óziniń áleýmettik jelidegi paraqshasynda Aqalteke tuqymynyń qatary taǵy eki tólmen tolyqqanyn jazdy. Prezidenttiń aitýynsha, jýyrda eki bie qulyndaǵan.
"Búgin asyl tuqymdy arǵymaqtardy kórýge arnaiy keldim. Jýyrda eki bie qulyndap, Aqalteke jylqylarynyń qataryna jańa arǵymaqtar qosylǵan. Aldyńǵy tóldiń atyn Aqniet dep qoidym. Al keiingi týǵan qulynshaqty Bórte dep atadym. "Er jetilip, bas bolar, tai jetilip, at bolar" degen. Jelmen jarysqan júirik bolsyn dep tiledim", – delingen Toqaevtyń jazbasynda.
Osylaisha, Aqalteke tuqymyna jatatyn jańa qulyndardyń biri Aqniet, ekinshisi Bórte dep ataldy.
Aita keteiik, Aqalteke jylqysy álemdegi eń kóne ári baǵaly jylqy tuqymdarynyń biri sanalady. Bul tuqym óziniń symbattylyǵymen, júiriktigimen jáne erekshe tózimdiligimen tanymal.
