Elordada ótken «Ádilet» partiiasynyń II Sezi eldiń saiasi ómirindegi betburys kezeńge ainaldy. Jiyndy qorytyndylaǵan partiia tóraǵasy Aibek Dádebai delegattar aldynda sóilegen sózinde qabyldanǵan sheshimderdiń memleket úshin mańyzdylyǵyna toqtaldy. Onyń aitýynsha, bul jai ǵana kezekti basqosý emes, Qazaqstannyń saiasi tarihyndaǵy jańa dáýirdiń bastaýy, dep habarlaidy ult.kz, dep habarlaidy dalanews.kz.
Partiia jetekshisi sezde qabyldanǵan mańyzdy qadamdarǵa jeke-jeke toqtaldy. Birinshiden, elimizdiń barlyq aimaǵynda «Ádilet» partiiasynyń filialdary qurylyp, olardyń jumys isteý erejesi bekitildi, bul uiymnyń óńirlerdegi yqpalyn kúsheitpek. Ekinshiden, eń basty tarihi oqiǵa retinde «AMANAT» partiiasynyń «Ádilet» partiiasyna qosylýy týraly sheshim resmi túrde bekitildi. Aibek Dádebai bul qadamdy jai ǵana eki uiymnyń mehanikalyq túrde kúsh biriktirýi emes, eldegi reformashyl jáne jaýapty kúshterdiń bir maqsatqa jumylýy dep baǵalady.
«Bul — memleket pen qoǵamnyń múddesin, el bolashaǵyn jeke ambitsiialardan joǵary qoiýdyń jarqyn úlgisi ári qoǵamdyq sananyń tolysqandyǵynyń nyshany. Ádiletti Qazaqstandy qurý jolyndaǵy bul saiasi birigý — is júzindegi saliqaly amal», — dep atap ótti partiia tóraǵasy.
Uiym jetekshisiniń málimdeýinshe, osy tarihi sezden keiin «Ádilet» partiiasy múlde jańa sapalyq deńgeige kóterilip, qoǵamdyq ómirge tikelei yqpal etetin tegeýrindi kúshke ainaldy. Endigi jerde partiia Prezident Qasym-Jomart Toqaev bastaǵan reformalardyń jáne halyq qoldaǵan jańa Konstitýtsiianyń basty saiasi tiregi retinde beki túspek.
Sóz sońynda Aibek Dádebai partiianyń aldaǵy basty mindeti — jaqtastary men delegattardyń senimin aqtaý ekenin jetkizdi. Ol jańa Ata zańnyń árbir qaǵidasy qaǵaz júzinde qalmai, naqty ómirde oryndalýy tiis ekenin jáne ádilettilik pen zań ústemdigi ár azamattyń kúndelikti ómirinde sezilýi úshin partiia bar kúsh-jigerin salatynyn aityp, jańa kezeńdegi jumysqa sáttilik tiledi.
