Shyǵys Qazaqstan oblysynda «Jol jyly» aiasynda salynyp jatqan joldardyń qurylysy aiaqtalýǵa jaqyn, dep habarlaidy Dalanews.kz. bizdinoskemen-ge silteme jasap.
Biyl «Taldyqorǵan-Qalbataý-Óskemen» jobasy boiynsha barlyq jumystar aiaqtalyp, 60 shaqyrym ýchaske paidalanýǵa berilýi múmkin.
Qalbataý-Maiqapshaǵai 1090-1321 shaqyrym ýchaskesin qaita jańartý úshin aǵymdaǵy jyly uzyndyǵy 181 shaqyrym bolatyn 1140-1321 shaqyrym ýchaskelerin paidalanýǵa berý, 1090-1140 km ýchaskesi úshin salynyp jatqan joldyń joǵarǵy jaǵymen qozǵalysty ashý kózdelýde.
Shyǵys Qazaqstan oblysynyń jolaýshy kóligi jáne avtomobil joldary basqarma basshylyǵynyń málimetinshe, biyl Buqtyrma sý qoimasy arqyly ótetin kópir ashylýy múmkin. Qazirde belgilengen 20 aralyqtyń 15-ine eki qabat asfalt tóseldi. Qalǵan aralyqtarǵa armatýra jáne betondaý, asfalt tóseýge daiyndyq jumystary júrgizilip jatyr. Kópirdiń qurylys jumystaryna 2024 jyly 25 milliard teńge qarastyrylǵan. Búginde onyń 20 milliardy jumsaldy. Kópirdi salýǵa bólingen somma 60 milliard teńgeni quraidy. Qazir onyń 51,7 milliardy igerildi.
Shyǵys Qazaqstan oblysynda «Jol jyly» aiasynda jalpy quny 31,5 milliard teńgege 600 shaqyrym jol retke keltirildi, 300 shaqyrymǵa jýyq jol jóndeldi.
