Aqtóbe oblysy Politsiia departamenti janarmai quiý beketinde kólik órtengen oqiǵaǵa qatysty qylmystyq is qozǵady, dep habarlaidy dalanews.kz.
Politsiianyń málimetinshe, oqiǵa saldarynan úsh adam qaza tapqan: áiel adam jáne kámeletke tolmaǵan eki bala. Sondai-aq, bir er adam kúiik jaraqatymen meditsinalyq mekemege jetkizildi.
"Bul derekke qatysty Qylmystyq kodekstiń 281-baby ("Jarylys qaýpi bar obektilerde qaýipsizdik qaǵidalaryn buzý") boiynsha qylmystyq is tirkeldi. AGQS (avtogaz quiý stantsiiasy) iesi ustalyp, ýaqytsha ustaý izoliatoryna qamaldy. Tergeý barysy Politsiia departamenti basshylyǵynyń erekshe baqylaýynda", - dep jazylǵan habarlamada.
Eske salaiyq, buǵan deiin Bógenbai batyr kóshesinde ornalasqan gaz quiý beketinde kólik órtenip, saldarynan úsh adam kóz jumǵany habarlandy.
