Torǵai óńirinde dúniege kelip, keiin shetelge asyrap alynǵan Jánibekke, iaǵni Jani Saveliev-ke qatysty jańa málimet paida boldy, dep habarlaidy dalanews.kz.
Redaktsiiaǵa joldanǵan hatta Jánibektiń biologiialyq anasy bolýy múmkin áiel týraly derekter aitylǵan. Hat avtorynyń sózinshe, bul málimetter Jánibektiń buǵan deiin belgili bolǵan ómirbaianymen sáikes keledi.
Aitylǵan derekke qaraǵanda, kúdik týdyrǵan áiel 2002 jyldary Mońǵoliiadan Arqalyq qalasyna oqýǵa kelgen. Sol ýaqytta júkti bolyp qalǵan ol bul jaǵdaidy ata-anasyna aitýǵa qorqyp, perzenthanada bosanǵannan keiin arnaiy qolhat jazyp, balasynan bas tartqan.
Hat avtory bul áiel óziniń qaiyn ápkesi ekenin jetkizgen. Onyń aitýynsha, sol kezde dúniege kelgen bala Jánibek bolýy múmkin. Sebebi olardyń týǵan kúnderi sáikes keledi.
Sondai-aq áiel Jánibektiń ózine qatty uqsaitynyn aitqan. Bul jaǵdai kúdikti odan ári kúsheitken.
Hat sońynda avtor qaiyn ápkesiniń DNQ saraptamasyn tapsyryp, Jánibekpen týystyq bailanysy bar-joǵyn anyqtaǵysy keletinin jazǵan.
