تورعاي ٶڭٸرٸندە دٷنيەگە كەلٸپ, كەيٸن شەتەلگە اسىراپ الىنعان جەنٸبەككە, ياعني Jani Saveliev-كە قاتىستى جاڭا مەلٸمەت پايدا بولدى, دەپ حابارلايدى dalanews.kz.
رەداكتسيياعا جولدانعان حاتتا جەنٸبەكتٸڭ بيولوگييالىق اناسى بولۋى مٷمكٸن ەيەل تۋرالى دەرەكتەر ايتىلعان. حات اۆتورىنىڭ سٶزٸنشە, بۇل مەلٸمەتتەر جەنٸبەكتٸڭ بۇعان دەيٸن بەلگٸلٸ بولعان ٶمٸربايانىمەن سەيكەس كەلەدٸ.
ايتىلعان دەرەككە قاراعاندا, كٷدٸك تۋدىرعان ەيەل 2002 جىلدارى موڭعولييادان ارقالىق قالاسىنا وقۋعا كەلگەن. سول ۋاقىتتا جٷكتٸ بولىپ قالعان ول بۇل جاعدايدى اتا-اناسىنا ايتۋعا قورقىپ, پەرزەنتحانادا بوسانعاننان كەيٸن ارنايى قولحات جازىپ, بالاسىنان باس تارتقان.
حات اۆتورى بۇل ەيەل ٶزٸنٸڭ قايىن ەپكەسٸ ەكەنٸن جەتكٸزگەن. ونىڭ ايتۋىنشا, سول كەزدە دٷنيەگە كەلگەن بالا جەنٸبەك بولۋى مٷمكٸن. سەبەبٸ ولاردىڭ تۋعان كٷندەرٸ سەيكەس كەلەدٸ.
سونداي-اق ەيەل جەنٸبەكتٸڭ ٶزٸنە قاتتى ۇقسايتىنىن ايتقان. بۇل جاعداي كٷدٸكتٸ ودان ەرٸ كٷشەيتكەن.
حات سوڭىندا اۆتور قايىن ەپكەسٸنٸڭ دنق ساراپتاماسىن تاپسىرىپ, جەنٸبەكپەن تۋىستىق بايلانىسى بار-جوعىن انىقتاعىسى كەلەتٸنٸن جازعان.
