Asa iri mólsherdegi esirtki kontrabandasy úshin sottalǵan adam Qyrǵyz Respýblikasynan ekstraditsiialandy, dep habarlaidy dalanews.kz.
Qazaqstannyń Bas prokýratýrasy asa iri mólsherdegi esirtki kontrabandasy jáne olardy ótkizgeni úshin sottalǵan Qazaqstan azamatyn Qyrǵyz Respýblikasynan ekstraditsiialady.
Izdeýde júrgen adam 2010 jyly aqshalai syiaqy úshin salmaǵy 1 keliden asatyn gashish esirtkisin Qazaqstannyń memlekettik shekarasy arqyly zańsyz ótkizgen. Osy úshin Jambyl oblysynyń mamandandyrylǵan aýdanaralyq qylmystyq ister jónindegi sotynyń 2010 jylǵy úkimimen kináli dep tanylyp, múlki tárkilenip, 15 jyl 6 ai merzimge bas bostandyǵynan aiyrylǵan.
Alaida asyraýynda balasy bolýyna bailanysty jazany óteý merzimi bala on tórt jasqa tolǵanǵa deiin keiinge qaldyrylǵan.
Ol probatsiialyq baqylaýda bola tura, 2017 jyly sot úkimin oryndaýdan jaltarǵan. Osyǵan bailanysty halyqaralyq izdeý jariialanǵan. Ol biyl naýryzda Bishkek qalasynda ustalyp, Otanyna ekstraditsiialandy. Qazir tergeý izoliatoryna qamaldy.
