Balkhash Tour Fest festivaliniń ekinshi kúni kontsertter men sporttyq jarystardan emes, tabiǵatqa degen janashyrlyqtan bastaldy, dep habarlaidy dalanews.kz.
Tańsáriden festival qatysýshylary Balqash kóliniń jaǵalaýyn tazalaýǵa shyqty.
Ekologiialyq aktsiiaǵa qazaqstandyq eriktilermen qatar jeti elden kelgen qonaqtar da belsendi qatysty. Birlese atqarylǵan jumys nátijesinde olar 30-dan astam qap qoqys jinap, kól jaǵalaýyn tazartty.
Ekologiialyq shara «Taza Qazaqstan» ulttyq baǵdarlamasy aiasynda uiymdastyryldy. Bul bastama zamanaýi týrizmniń tek demalys pen saiahat qana emes, sonymen birge barǵan jerińniń tabiǵatyna degen jaýapkershilik ekenin taǵy bir márte kórsetti.
— Tańerteń erte ekologiialyq senbilikke shyqtyq. Bizben birge sheteldik volonterler de tazalyq jumystaryna atsalysty. Nátijesinde 30-dan astam qap qoqys jinaldy. Qatysqanymyz úshin festivaldiń estelik syilyqtaryn aldyq, — dedi Qaraǵandy qalasynan kelgen volonter Dinmuhammed Muqanǵali.
Onyń aitýynsha, mundai sharalar ár eldiń jastaryn biriktirip, ortaq igi ister arqyly jańa dostar men pikirles adamdar tabýǵa múmkindik beredi.
Aita keteiik, Balkhash Tour Fest festivaliniń ekinshi kúni kól jaǵalaýynda júzdegen qatysýshyny jinady. Sharaǵa Balqashpen tanysyp qana qoimai, onyń biregei tabiǵatyn saqtaýǵa óz úlesin qosýǵa nietti jeti eldiń volonterleri qatysýda.
