Balkhash Tour Fest فەستيۆالٸنٸڭ ەكٸنشٸ كٷنٸ كونتسەرتتەر مەن سپورتتىق جارىستاردان ەمەس, تابيعاتقا دەگەن جاناشىرلىقتان باستالدى, دەپ حابارلايدى dalanews.kz.
تاڭسەرٸدەن فەستيۆال قاتىسۋشىلارى بالقاش كٶلٸنٸڭ جاعالاۋىن تازالاۋعا شىقتى.
ەكولوگييالىق اكتسيياعا قازاقستاندىق ەرٸكتٸلەرمەن قاتار جەتٸ ەلدەن كەلگەن قوناقتار دا بەلسەندٸ قاتىستى. بٸرلەسە اتقارىلعان جۇمىس نەتيجەسٸندە ولار 30-دان استام قاپ قوقىس جيناپ, كٶل جاعالاۋىن تازارتتى.
ەكولوگييالىق شارا «تازا قازاقستان» ۇلتتىق باعدارلاماسى اياسىندا ۇيىمداستىرىلدى. بۇل باستاما زاماناۋي تۋريزمنٸڭ تەك دەمالىس پەن ساياحات قانا ەمەس, سونىمەن بٸرگە بارعان جەرٸڭنٸڭ تابيعاتىنا دەگەن جاۋاپكەرشٸلٸك ەكەنٸن تاعى بٸر مەرتە كٶرسەتتٸ.
— تاڭەرتەڭ ەرتە ەكولوگييالىق سەنبٸلٸككە شىقتىق. بٸزبەن بٸرگە شەتەلدٸك ۆولونتەرلەر دە تازالىق جۇمىستارىنا اتسالىستى. نەتيجەسٸندە 30-دان استام قاپ قوقىس جينالدى. قاتىسقانىمىز ٷشٸن فەستيۆالدٸڭ ەستەلٸك سىيلىقتارىن الدىق, — دەدٸ قاراعاندى قالاسىنان كەلگەن ۆولونتەر دٸنمۇحاممەد مۇقانعالي.
ونىڭ ايتۋىنشا, مۇنداي شارالار ەر ەلدٸڭ جاستارىن بٸرٸكتٸرٸپ, ورتاق يگٸ ٸستەر ارقىلى جاڭا دوستار مەن پٸكٸرلەس ادامدار تابۋعا مٷمكٸندٸك بەرەدٸ.
ايتا كەتەيٸك, Balkhash Tour Fest فەستيۆالٸنٸڭ ەكٸنشٸ كٷنٸ كٶل جاعالاۋىندا جٷزدەگەن قاتىسۋشىنى جينادى. شاراعا بالقاشپەن تانىسىپ قانا قويماي, ونىڭ بٸرەگەي تابيعاتىن ساقتاۋعا ٶز ٷلەسٸن قوسۋعا نيەتتٸ جەتٸ ەلدٸڭ ۆولونتەرلەرٸ قاتىسۋدا.
