Premer-mınıstr Oljas Bektenov Kazakh Tourism basqarma tóraǵasy Talǵat Ǵazızovtan naqty nátıjeler kútetinin málimdedi. Bul týraly ol Úkimettiń búgingi otyrysynda aıtty, dep habarlaıdy Dalanews.kz.

Premer-mınıstrdiń aıtýynsha, kompanıa basshysy qyzmetke jýyrda ǵana taǵaıyndalǵanyna qaramastan, Kazakh Tourism basshylyǵynan naqty nátıje talap etiledi.

"Talǵat Janatuly, qyzmetke endi kiriskenińizge qaramastan, bizge naqty nátıjeler qajet. Ony sizden kútemiz. Nátıje bolsa, jumysty jalǵastyramyz, al nátıje bolmasa, qoshtasamyz. Kelistik pe?" - dep surady Oljas Bektenov.

Óz kezeginde Kazakh Tourism basqarma tóraǵasy qoıylǵan mindetterdi oryndaýǵa daıyn ekenin jetkizdi.

"Kelistik", - dep jaýap berdi Talǵat Ǵazızov.

Budan bólek, Úkimet basshysy búgingi otyrysta birqatar túıtkildi máselege toqtaldy:

• Kóptegen nysanda ınternet sapasy nashar. Jumystar áli josparlanyp jatyr nemese qarqyny óte baıaý.
• Buqaralyq aqparat quraldary men áleýmettik jelilerde sanıtarıa-epıdemıologıa talaptaryn buzý deregi jıi kóteriledi.
• Kópshilikke tanymal jáne shalǵaıda ornalasqan týrısik oryndarǵa kólikpen jetý máselesine, jol boıyndaǵy servıske qatysty suraqtar bar.
• Keı jerlerde energıa qýaty jetispeıdi.
• Táýlik boıy jumys isteıtin medısınalyq beketterdi, quqyq qorǵaý organdary men qutqarý qyzmetterin uıymdastyrý isi barlyq jerde birdeı sheshimin tappaı keledi.
• Týrısik nysandarǵa jaqyn dámhanalar men dúkenderde baǵa sol kúıi qymbat.
• Shashylyp jatqan qoqystarǵa, demalys oryndaryna aparatyn joldar men kólik turaqtary joq bolýyna baılanysty týrıserden túsip jatqan shaǵym kóp.