61 jastaǵy Iliiana Iotova Bolgariiadaǵy prezidenttik institýttyń 33 jyldyq tarihyndaǵy altynshy memleket basshysy atandy, dep habarlaidy Dalanews.kz.
Buǵan deiingi prezident Rýmen Radev eldi tereń saiasi daǵdarystan shyǵarǵysy keletinin aityp, 19 qańtarda otstavkaǵa ketken. 23 qańtardaǵy Konstitýtsiialyq sot sheshimine jáne negizgi zań talaptaryna sáikes, vitse-prezident prezidenttik ókilettikti mandat merzimi aiaqtalǵanǵa deiin atqarady. Osylaisha Bolgariia óz tarihynda tuńǵysh ret áiel prezidentke ári Qarýly kúshterdiń Joǵarǵy bas qolbasshysyna ie boldy.
Jańa qyzmetinde Iliiana Iotova parlamenttik partiialarmen konsýltatsiialar ótkizgennen keiin sailaý kúnin belgileidi.
"Bul sońǵy bes jyl ishindegi segizinshi sailaý bolmaq. Munyń sebebi parlamenttik kúshterdiń jańa úkimet qura almaýynda", - delingen jariialanymda.
Sońǵy toǵyz jyl boiy Iliiana Iotovanyń qyzmetindegi negizgi basym baǵyt sheteldegi bolgar diasporasymen jumys, jeksenbilik mektepterdi saqtaý jáne bolgar tilin oqytýdy damytý bolyp kelgen.
