61 جاستاعى يليانا يوتوۆا بولگارياداعى پرەزيدەنتتىك ينستيتۋتتىڭ 33 جىلدىق تاريحىنداعى التىنشى مەملەكەت باسشىسى اتاندى، دەپ حابارلايدى Dalanews.kz.
بۇعان دەيىنگى پرەزيدەنت رۋمەن راديەۆ ەلدى تەرەڭ ساياسي داعدارىستان شىعارعىسى كەلەتىنىن ايتىپ، 19 قاڭتاردا وتستاۆكاعا كەتكەن. 23 قاڭتارداعى كونستيتۋسيالىق سوت شەشىمىنە جانە نەگىزگى زاڭ تالاپتارىنا سايكەس، ۆيسە-پرەزيدەنت پرەزيدەنتتىك وكىلەتتىكتى ماندات مەرزىمى اياقتالعانعا دەيىن اتقارادى. وسىلايشا بولگاريا ءوز تاريحىندا تۇڭعىش رەت ايەل پرەزيدەنتكە ءارى قارۋلى كۇشتەردىڭ جوعارعى باس قولباسشىسىنا يە بولدى.
جاڭا قىزمەتىندە يليانا يوتوۆا پارلامەنتتىك پارتيالارمەن كونسۋلتاسيالار وتكىزگەننەن كەيىن سايلاۋ كۇنىن بەلگىلەيدى.
"بۇل سوڭعى بەس جىل ىشىندەگى سەگىزىنشى سايلاۋ بولماق. مۇنىڭ سەبەبى پارلامەنتتىك كۇشتەردىڭ جاڭا ۇكىمەت قۇرا الماۋىندا"، - دەلىنگەن جاريالانىمدا.
سوڭعى توعىز جىل بويى يليانا يوتوۆانىڭ قىزمەتىندەگى نەگىزگى باسىم باعىت شەتەلدەگى بولگار دياسپوراسىمەن جۇمىس، جەكسەنبىلىك مەكتەپتەردى ساقتاۋ جانە بولگار ءتىلىن وقىتۋدى دامىتۋ بولىپ كەلگەن.
