Vetnamǵa ushpaq bolǵan qaraǵandylyq áýe kompaniiasyn sotqa berdi, dep habarlaidy Dalanews.kz.
Qaraǵandy turǵyny Astana-Fýkýok-Astana baǵyty boiynsha jalpy quny 420 myń teńge bolatyn tórt áýe biletin satyp alǵan. Ushýǵa bir táýlik qalǵanda áýe tasymaldaýshy jolaýshyny reis toqtatylǵany týraly habardar etken. Reis toqtatylýyna sebep – overbýking, iaǵni áýe kemesindegi oryn sanynan artyq mólsherde biletter satylýy.
Balama retinde áýe kompaniiasy biletterdiń qunyn qaitarýdy nemese bastapqy josparlanǵan kúnnen 2 táýlikke kesh ushatyn Almaty-Danang-Almaty baǵytyna aýystyrýdy usynǵan.
274 myń teńge kóleminde aqshanyń bir bóligi qaitarylǵanyna qaramastan, jolaýshy ózine keltirilgen materialdyq shyǵyn, moraldyq ziiandy alǵa tartyp, týr agentke jáne áýe tasymaldaýshyǵa qarsy sotqa júgingen.
Sot týr agent tasymaldaýǵa jaýapty tarap emes ekenin anyqtaǵan. Sonymen qatar, overbýkingke jol berip, reisti toqtatqan áýe tasymaldaýshynyń áreketteri jolaýshyǵa keltirilgen moraldyq ziian úshin ótemaqy tóleýge negiz bolyp tanylǵan.
Osyǵan bailanysty áýe kompaniiasynan 50 myń teńge mólsherinde moraldyq ziian óndirilgen.
Apelliatsiialyq satydaǵy sot birinshi satydaǵy sottyń qorytyndylarymen kelisip, sheshimdi ózgerissiz qaldyrǵan. Sot aktisi zańdy kúshine endi.
