17 jyl boiy aǵa-jeńgesiniń malyn baǵyp, quldyqta bolǵan Qundyz ben Nazgúlge qatysty jańa aqparat tarady. Áleýmettik jelide Qundyzdyń aiaq-qoly skotchpen bailaýly jatqan sýreti tarady. Jýrnalist Rýslan Ótepbai máseleniń mán-jaiyn anyqtap kelgen, dep habarlaidy Dalanews.kz.
Jýrnalist qyzdardyń zańdy qamqorshysy Zúlfiia Tólenovanyń úiine barǵan. Qundyz ben Nazgúl qazirgi ýaqytta sol áiel adamnyń qamqorlyǵynda. Qyzdar Zúlfiia Tólenovany "mama" dep ataidy.
Qundyzdyń sózinshe, ony Zúlfiia Tólenova bailap qoiǵan.
"Mama istedi. Zúlfiia mama. Kóp ýaqyt jattym osylai. Meni bailaǵan kezde Zúlfiia mama úide boldy", - deidi Qundyz.
Al Zúlfiia Tólenova bul ýaqytta úide bolmaǵanyn aitady.
"Men ony bailaǵan kezde úide bolǵan joqpyn. Bailanǵanyn kórgen joqpyn. Túsinbeimin", - deidi Zúlfiia Tólenova.
Rýslan Ótepbaidyń sózinshe,qinalyp júrgen tek Qundyz ben Nazgúl ǵana emes eken. Byltyr 29 jeltoqsanda zańdy qamqorshy Zúlfiia Tólenovanyń ústinen uryp-soǵý faktisi boiynsha qylmystyq is qozǵalǵan. Aryzdanýshylar - Tólenova asyrap alǵan basqa balalar.
"Balalardyń aitýynsha, Zúlfiia Tólenova ishimdik iship alyp, olardyń mazasyn alyp, birneshe ret qol kótergen. Atalǵan derek boiynsha qazirgi tańda tergeý amaldary júrgizilip jatyr. Eger kinási dáleldense, zań aiasynda jaýapqa tartylady", - deidi jýrnalist.
