Shyǵys Qazaqstan oblysynda «Diplommen – aýylǵa» memlekettik baǵdarlamasy aiasynda jalpy somasy 10,6 mln teńgege sharttyq mindettemelerdiń oryndalmaǵany anyqtaldy, dep habarlaidy dalanews.kz.
Marqakól aýdanynyń prokýratýrasy baǵdarlamany iske asyrý kezinde zańnama talaptarynyń saqtalýyna taldaý júrgizgen.
Máselen, 2023 jyly Kúrshim aýdany ákiminiń qaýlysymen meditsinalyq kolledjdi támamdap, aýdandyq aýrýhanaǵa jumysqa kelgen jas mamanǵa 5 mln teńge kóleminde biýdjettik kredit berilgen. Oǵan qosa 345 myń teńge kóterme járdemaqy tólengen.
Alaida memlekettik qoldaý alǵan meditsina qyzmetkeri shartta kózdelgen mindettemesin oryndamaǵan. Atap aitqanda, aýyldyq eldi mekende keminde úsh jyl eńbek etýi tiis bolǵan.
Prokýratýra qabyldaǵan sharalardyń nátijesinde 2,95 mln teńge memleket kirisine qaitaryldy. Qalǵan somany óndirip alý máselesi baqylaýǵa alynǵan.
Prokýratýra biýdjet qarajatynyń zańdy ári maqsatty jumsalýyn qamtamasyz etý boiynsha jumystar jalǵasatynyn habarlady.
