Qazaqstandy álemge tek sportshylar ǵana tanytpaidy. Bul týraly belgili kásipker Jumabek Janyqulov aitty, dep habarlaidy dalanews.kz.
Onyń sózinshe, Olimpiada men halyqaralyq jarystarda Qazaqstan týynyń kóterilýi eldiń bedeline áser etedi.
Biraq eldi tanytý úshin mindetti túrde altyn medal alý shart emes. Sportshy kúmis júlde alyp, jaqsy óner kórsetse de, Qazaqstanǵa nazar aýdartady.
Janyqulov shahmatshylar men ánshilerdiń jetistigin de mysalǵa keltirdi. Sonyń ishinde ol Dimash Qudaibergenniń esimin atady.
Onyń aitýynsha, shetelge barǵan qarapaiym qazaqstandyqtyń áreketi de el týraly pikir qalyptastyrady. Máselen, tazalyq saqtap, ózin mádenietti ustasa, sheteldikterde qazaqstandyqtar týraly jaqsy kózqaras paida bolady.
Janyqulov osyndai qarapaiym áreketterdiń ózi Qazaqstannyń bedeline jáne elge investitsiia tartýǵa áser etetinin aitty.
