Almaty oblysy ákiminiń ókimimen Rýstam Isataev Eńbekshiqazaq aýdanynyń ákimi laýazymyna taǵaiyndaldy, dep habarlaidy dalanews.kz.
Rýstam Maratuly 1986 jyly týǵan. 2008 jyly "Bolashaq" halyqaralyq baǵdarlamasy boiynsha Ulybritaniiadaǵy Darem ýniversitetin támamdap, 2021 jyly Garvard ýniversitetinde "memlekettik basqarý" mamandyǵy boiynsha magistr dárejesin alǵan.
Ár jyldary Ekonomika jáne biýdjettik josparlaý ministrliginiń Makroekonomikalyq taldaý jáne boljaý departamentiniń bas sarapshysy, premer-ministr keńesshisi, Prezidenti ákimshiliginiń Syrtqy saiasat ortalyǵynyń konsýltanty, Prezident ákimshiliginiń Memlekettik baqylaý jáne uiymdastyrý-aýmaqtyq jumysy bóliminiń memlekettik inspektory, Kazakh Invest AQ basqarma tóraǵasynyń orynbasary, Syrtqy ister ministrliginiń Investitsiialar komitetiniń tóraǵasy, Syrtqy ister ministrliginiń erekshe tapsyrmalar jónindegi elshisi, Eurasia Group Kazakhstan JShS vitse-prezidenti, Almaty oblysy ákiminiń keńesshisi, Almaty oblysy ákiminiń orynbasary, Ulttyq ekonomika ministriniń keńesshisi laýazymdaryn atqarǵan.
2026 jylǵy mamyrdan bastap qazirgi ýaqytqa deiin Úkimet apparatynyń óńirlik damý jáne baqylaý bóliminiń óńirlik inspektory bolyp qyzmet atqarǵan.
Aita keteiik, buǵan deiin Talǵat Baiedilov Uiǵyr aýdanynyń ákimi bolyp taǵaiyndaldy.
