Sot úkimimen burynǵy birge turǵan áieline qatysty quqyqqa qaishy áreket jasaǵan er adamǵa 60 saǵat qoǵamdyq jumys túrindegi jaza taǵaiyndalyp, onyń minez-qulqyna birqatar erekshe talaptar belgilendi. Atap aitqanda, jábirlenýshige jaqyndaýǵa tyiym salyndy, dep habarlaidy dalanews.kz.
Oqiǵa qyzǵanysh saldarynan oryn alǵan. Er adam buryn birge turǵan áieliniń jumys ornyna janǵysh suiyqtyq quiylǵan bótelkemen kelgen. Áielmen qarym-qatynasyn qalpyna keltirý maqsatynda ol jábirlenýshini órtep jiberemin dep qorqytqan. Keiin onyń ústine janǵysh suiyqtyq quiyp, ómirine naqty qaýip tóndirgen.
Sot otyrysynda memlekettik aiyptaýshy sottalýshynyń kinásin dáleldedi. Úkim zańdy kúshine engen joq.
Prokýratýra azamattardy qaýipsizdigine qater tóngen jaǵdaida óz quqyqtaryn qorǵaý jáne aýyr zardaptardyń aldyn alý úshin dereý quqyq qorǵaý organdaryna júginýge shaqyrady. Sonymen qatar azamattardyń ómirine, densaýlyǵyna jáne qol suǵylmaýshylyǵyna qarsy jasalǵan kez kelgen áreket, onyń ishinde qorqytý men qýdalaý zańda belgilengen qylmystyq jaýaptylyqqa ákep soǵatynyn eskertedi.
