Frantsiia parlamenti 15 jasqa tolmaǵan balalar men jasóspirimderge áleýmettik jelilerdi qoldanýǵa shekteý engizýdi qoldady. Bul týraly media menedjer Erjan Tólek óziniń Facebook paraqshasynda jazdy, dep habarlaidy Dala News.
AFP agenttiginiń málimetinshe, úkimet usynǵan zań jobasyn 116 depýtat qoldap, 23-i qarsy daýys bergen. Eger Senat bul bastamany maquldasa, kelesi oqý jylynan bastap Frantsiiada 15 jasqa deiingi balalarǵa TikTok, Snapchat, Instagram jáne Meta korporatsiiasyna tiesili ózge de áleýmettik jelilerdi paidalanýǵa tyiym salynady.
Zańnyń negizgi maqsaty – jasóspirimderdiń psihikalyq jáne fizikalyq densaýlyǵyn qorǵaý. Frantsiianyń ulttyq densaýlyq saqtaý basqarmasynyń derekterine súiensek, áleýmettik jeliler balalardyń psihikasyna keri áser etedi. Kiberbýlling, ózin ózgelermen úzdiksiz salystyrý, ádepsiz jáne zorlyq-zombylyq elementteri bar kontent jasóspirimder úshin úlken qaýipke ainalǵan.
Mamandar áleýmettik jeliler balalardyń zeiinin álsiretip, uiqy rejiminiń buzylýyna da áser etetinin aitady. Bul faktorlar jasóspirimderdiń oqý úlgerimi men jalpy ómir sapasyna tikelei yqpal etedi.
Aita keteiik, buǵan deiin Avstraliia áleýmettik jelilerdi paidalanýǵa eń tómengi jas shegin engizgen alǵashqy elderdiń biri bolǵan. Onda da 16 jasqa deiingi balalarǵa shekteý qoiylǵan.
Frantsiiadaǵy bul bastama Eýropadaǵy tsifrlyq qaýipsizdikke qatysty saiasattyń jańa kezeńin bastaityny aitylyp otyr.
