Premer-ministr Oljas Bektenov Kazakh Tourism basqarma tóraǵasy Talǵat Ǵazizovtan naqty nátijeler kútetinin málimdedi. Bul týraly ol Úkimettiń búgingi otyrysynda aitty, dep habarlaidy Dalanews.kz.
Premer-ministrdiń aitýynsha, kompaniia basshysy qyzmetke jýyrda ǵana taǵaiyndalǵanyna qaramastan, Kazakh Tourism basshylyǵynan naqty nátije talap etiledi.
"Talǵat Janatuly, qyzmetke endi kiriskenińizge qaramastan, bizge naqty nátijeler qajet. Ony sizden kútemiz. Nátije bolsa, jumysty jalǵastyramyz, al nátije bolmasa, qoshtasamyz. Kelistik pe?" - dep surady Oljas Bektenov.
Óz kezeginde Kazakh Tourism basqarma tóraǵasy qoiylǵan mindetterdi oryndaýǵa daiyn ekenin jetkizdi.
"Kelistik", - dep jaýap berdi Talǵat Ǵazizov.
Budan bólek, Úkimet basshysy búgingi otyrysta birqatar túitkildi máselege toqtaldy:
- Kóptegen nysanda internet sapasy nashar. Jumystar áli josparlanyp jatyr nemese qarqyny óte baiaý.
- Buqaralyq aqparat quraldary men áleýmettik jelilerde sanitariia-epidemiologiia talaptaryn buzý deregi jii kóteriledi.
- Kópshilikke tanymal jáne shalǵaida ornalasqan týristik oryndarǵa kólikpen jetý máselesine, jol boiyndaǵy serviske qatysty suraqtar bar.
- Kei jerlerde energiia qýaty jetispeidi.
- Táýlik boiy jumys isteitin meditsinalyq beketterdi, quqyq qorǵaý organdary men qutqarý qyzmetterin uiymdastyrý isi barlyq jerde birdei sheshimin tappai keledi.
- Týristik nysandarǵa jaqyn dámhanalar men dúkenderde baǵa sol kúii qymbat.
- Shashylyp jatqan qoqystarǵa, demalys oryndaryna aparatyn joldar men kólik turaqtary joq bolýyna bailanysty týristerden túsip jatqan shaǵym kóp.
