Jarkent qalasyna qarasty Nurkent eldi mekeninde balasyn aiaýsyz urǵan áieldiń videosy áleýmettik jelilerde taraǵannan keiin sot balanyń anasyn qamaýǵa alý týraly sanktsiia berdi, dep habarlaidy Dalanews.kz.
Áleýmettik jelilerde Jarkenttegi balaǵa kórsetilgen qatygezdik beinelengen video jariialanǵannan soń, sot kámeletke tolmaǵan balanyń anasyn qamaýǵa alý jóninde sheshim qabyldady. Qazirgi tańda atalǵan derek boiynsha qylmystyq is «Azaptaý» baby aiasynda tergelip jatyr, dep málimdedi Jetisý oblysynyń politsiia departamenti.
Aita keteiik,videoda áiel adam balasyn aq matamen batareiaǵa bailap, jerge jatqyzyp, aiaýsyz uryp jatqany anyq kórinedi. Bir sátte áiel adam balasynyń basynan da tepkilep jatady.
Bul derekke qatysty oblysty politsiia departamenti pikir bildirdi. Jarkent qalasyndaǵy WhatsApp toptarynda taralǵan beinejazba faktisi boiynsha Panfilov aýdandyq politsiia qyzmetkerleri jedel túrde tekserý júrgizgen. Tekserý barysynda 28 jastaǵy áieldiń kámeletke tolmaǵan balasyna dene jaraqatyn salǵany anyqtaldy.
