Jambyl oblysynda bolǵan aýyr jol-kólik oqiǵasynan keiin araǵa alty ai salyp, qylmystyq is tergeýdiń negizgi kezeńine ótti. Bul jóninde Ishki ister ministriniń orynbasary Sanjar Ádilov málimdedi, dep habarlaidy Dalanews.kz.
Onyń aitýynsha, qazirgi tańda iske qatysýshy taraptar tergeý materialdarymen tanysyp jatyr.
Atalǵan is Qazaqstan Respýblikasynyń Qylmystyq kodeksiniń 245-babynyń 4-bóligi boiynsha qaralýda. Bul norma jol qozǵalysy talaptarynyń buzylýy saldarynan eki nemese odan da kóp adamnyń qaza bolýyna ákep soqqan jaǵdailarǵa qoldanylady.
Eger kúdiktiniń kinási sotta dáleldense, oǵan 5 jyldan 10 jylǵa deiin bas bostandyǵynan aiyrý jazasy taǵaiyndalýy múmkin. Sondai-aq 7 jylǵa deiin kólik quralyn basqarý quqyǵynan shettetilýi yqtimal.
Eske salaiyq, Gúlaiym Rahmonova men onyń uly 2025 jyly 27 shildede jol apatyna túsken edi.
Politsiianyń málimetinshe, respýblikalyq mańyzy bar Almaty – Ekaterinbýrg avtojolynyń 299-shaqyrymynda Toyota Land Cruiser 200 kóliginiń júrgizýshisi Qaraǵandy oblysy baǵytynan Almatyǵa qarai kele jatyp, rólge ie bola almai, kólikti aýdaryp alǵan. Jol apaty saldarynan eki áiel qaza tapqan.
