Almatyda eki turǵyn úi kesheniniń qurylysy toqtatyldy, dep habarlaidy Dalanews.kz.
Jumys sapary aiasynda Almaty ákiminiń orynbasary Beibit Shahanov halyqaralyq áýejai mańyndaǵy birqatar turǵyn úi kesheniniń qurylys barysyn teksergen.
Tekseris barysynda Bastion turǵyn úi kesheniniń qurylysy azamattyq aviatsiia salasyndaǵy ýákiletti organdardyń kelisiminsiz jáne ruqsatsyz júrgizilip jatqany anyqtalǵan.
"Qoldanystaǵy zańnama talaptaryna sáikes áýeailaqqa jaqyn aimaqtarda jáne belgilengen kúzet aýmaǵy radiýsynda ǵimarattardyń qabatyna shekteýler qoiylady. Osy aimaqta salynyp jatqan barlyq nysan tiisti kelisim alýǵa mindetti. Mundai qujatsyz qurylysty toqtatamyz, qajet bolǵan jaǵdaida súriledi", - dedi Beibit Shahanov.
Sondai-aq, Dream City Tech turǵyn úi kesheniniń qurylys alańynda qurylys salýshy qasbetti kelisimsiz qaptai bastaǵany belgili bolǵan.
Osy zańbuzýshylyqtarǵa bailanysty barlyq qurylys jumysyn mindetti kelisim men ruqsat alynǵanǵa deiin toqtatý týraly sheshim qabyldanǵan.
