Úkimet otyrysynda QR Premer-ministri Oljas Bektenov balalar men jasóspirimderdi durys tamaqtandyrý máselesin kóterdi, dep habarlaidy Dalanews.kz.
Bektenovtiń sózinshe, balalar men jasóspirimderdiń kóbisi fastfýdqa, energetikalyq sýsyndarǵa qumar. Tipti kei kezde oǵan táýeldi bolyp qalady.
"Osy qaýipke bárimiz búkil el bolyp, qoǵam bolyp toitarys berýimiz kerek. Bul – óte qaýipti jaǵdai. Usynystar engizińizder", - dep atap ótti Oljas Bektenov.
"Qazaqstan balalary" tujyrymdamasy sheńberinde balalardyń quqyqtaryn qorǵaý, qaýipsizdigi jáne ál-aýqaty salasyndaǵy vedomstvoaralyq ózara is-qimyldy kúsheitý jónindegi sharalar kesheni kózdelgen. Biylǵy 1 aqpanynan bastap barlyq bilim berý uiymdaryna «tosynnan kirip kelý» qaǵidaty boiynsha erekshe baqylaý men qadaǵalaý engiziledi. Tekserýler balalardy saýyqtyrý, olardyń qaýipsizdigi men tamaqtaný sapasyna qatysty bolady.
