ۇكىمەت وتىرىسىندا ق ر پرەمەر-مينيسترى ولجاس بەكتەنوۆ بالالار مەن جاسوسپىرىمدەردى دۇرىس تاماقتاندىرۋ ماسەلەسىن كوتەردى، دەپ حابارلايدى Dalanews.kz.
بەكتەنوۆتىڭ سوزىنشە، بالالار مەن جاسوسپىرىمدەردىڭ كوبىسى فاستفۋدقا، ەنەرگەتيكالىق سۋسىندارعا قۇمار. ءتىپتى كەي كەزدە وعان تاۋەلدى بولىپ قالادى.
"وسى قاۋىپكە ءبارىمىز بۇكىل ەل بولىپ، قوعام بولىپ تويتارىس بەرۋىمىز كەرەك. بۇل – وتە ءقاۋىپتى جاعداي. ۇسىنىستار ەنگىزىڭىزدەر"، - دەپ اتاپ ءوتتى ولجاس بەكتەنوۆ.
"قازاقستان بالالارى" تۇجىرىمداماسى شەڭبەرىندە بالالاردىڭ قۇقىقتارىن قورعاۋ، قاۋىپسىزدىگى جانە ءال-اۋقاتى سالاسىنداعى ۆەدومستۆوارالىق ءوزارا ءىس-قيمىلدى كۇشەيتۋ جونىندەگى شارالار كەشەنى كوزدەلگەن. بيىلعى 1 اقپانىنان باستاپ بارلىق ءبىلىم بەرۋ ۇيىمدارىنا «توسىننان كىرىپ كەلۋ» قاعيداتى بويىنشا ەرەكشە باقىلاۋ مەن قاداعالاۋ ەنگىزىلەدى. تەكسەرۋلەر بالالاردى ساۋىقتىرۋ، ولاردىڭ قاۋىپسىزدىگى مەن تاماقتانۋ ساپاسىنا قاتىستى بولادى.
