Qazaqstanda birqatar oqý pánin biriktirýdi kózdegen reforma ýaqytsha toqtatyldy. Bul týraly Oqý-aǵartý ministri Juldyz Súleimenova málimdedi, dep habarlaidy Dala News.
Ministrdiń aitýynsha, buǵan deiin fizika, himiia jáne biologiiany bir pánge – «jaratylystaný ǵylymdaryna», al algebra men geometriiany «matematikaǵa», dúniejúzi tarihy men quqyq negizderin «áleýmettik ǵylymdarǵa» biriktirý josparlanǵan.
«Bul reforma toqtatyldy. Sebebi irgeli pánder jeke-jeke oqytylýy tiis dep esepteimiz», – dedi ministr BAQ ókilderine arnalǵan brifingte.
Sheshim eki negizgi sebepke bailanysty qabyldanǵan. Birinshiden, pánderdi biriktirý muǵalimderge túsetin júktemeni kúrt arttyrady. Ekinshiden, balalardyń bilim sapasyn saqtap qalý qajet.
«Bul máseleni jan-jaqty taldadyq. Balalarymyz tsifrlyq zamanda da irgeli ǵylymdardy tereń meńgerýi úshin reformany toqtatý jón dep sheshtik», – dep túiindedi Juldyz Súleimenova.
