Áleýmettik jelide aitysker aqyn Jandarbek Bulǵaqov tanymal reper Eńlik Qurarbektiń Bipl atty ániniń mátinine qatysty pikir bildirip, bul jait jeli qoldanýshylary arasynda qyzý talqyǵa tústi, dep habarlaidy Dalanews.kz.
Aqyn Threads jelisindegi paraqshasynda ánniń sózin keltirgen:
Alýan-alýan adam bar ei, qyz
Saldyr aldyr alam ba, Bipl-a!
Buiyrmasa bolmaityn nársede bolmaid
Urdym da, qol qoidym
Endi, urdym da, qol qoidym (bolmaid)
Ne bolsa da, sol
Bolsa da, men bolmaim ool!
Bul synǵa Yenlik-tiń ózi jaýap bergen. Ol aqyn keltirgen ánniń sózderi durys emes ekenin aityp, durys nusqasyn jazǵan:
"Alýan, alýan adam bar ei qyz, Aldar, aldar aldanba!” Osylai jazylǵan negizi, taǵy bir tyńdap alasyz-aý! Basqa ánderimniń mátinin oqyp kórińiz, bulai ishińiz ashymas".
Artynsha Jandarbek Bulǵaqov ánshi synǵa daiyn bolý kerek ekenin, tilge jany ashitynyn jetkizdi.
"Qaryndasym, baǵyń janyp, baqytyń ashylsyn. Oryndaýshylyǵyń men daýsyńa basqa kásibi mamandar pikir aitar. Biraq dál myna mátinniń maǵynasy joq. Men ony sóz túsinetin qazaq retinde aityp otyrmyn. Ónerge kelgen ekensiń, eldiń asyra maqtaýyna da, jigerińdi janyǵan syni pikirine de daiyn bol. Ishimiz ashyǵannan emes tilge janymyz ashyǵannan sóileimiz", - dedi ol.
Jeli qoldanýshylarynyń basym bóligi aqyndy synaǵan:
"Bul - rep janry, Eńlik degen qara qyzymyzdyń keremet týyndysy. Bul týyndy arqyly qazaq tiline, jerine shet eldiń azamattary qyzyǵýshylyqpen qarap jatyr", "Aǵa retinde, "til janashyry" retinde osy bir syn pikirdi Eńlikti jeke shaqyryp alyp aityp, aqyl-keńes berýge qolyńyz jetedi ǵoi negizi, parasatyńyzdyń jetpegeni ókinishti".
