ەلەۋمەتتٸك جەلٸدە ايتىسكەر اقىن جانداربەك بۇلعاقوۆ تانىمال رەپەر ەڭلٸك قۇراربەكتٸڭ Bipl اتتى ەنٸنٸڭ مەتٸنٸنە قاتىستى پٸكٸر بٸلدٸرٸپ, بۇل جايت جەلٸ قولدانۋشىلارى اراسىندا قىزۋ تالقىعا تٷستٸ, دەپ حابارلايدى Dalanews.kz.
اقىن Threads جەلٸسٸندەگٸ پاراقشاسىندا ەننٸڭ سٶزٸن كەلتٸرگەن:
الۋان-الۋان ادام بار ەي, قىز
سالدىر الدىر الام با, بيپل-ا!
بۇيىرماسا بولمايتىن نەرسەدە بولمايد
ۇردىم دا, قول قويدىم
ەندٸ, ۇردىم دا, قول قويدىم (بولمايد)
نە بولسا دا, سول
بولسا دا, مەن بولمايم وول!
بۇل سىنعا Yenlik-تٸڭ ٶزٸ جاۋاپ بەرگەن. ول اقىن كەلتٸرگەن ەننٸڭ سٶزدەرٸ دۇرىس ەمەس ەكەنٸن ايتىپ, دۇرىس نۇسقاسىن جازعان:
"الۋان, الۋان ادام بار ەي قىز, الدار, الدار الدانبا!” وسىلاي جازىلعان نەگٸزٸ, تاعى بٸر تىڭداپ الاسىز-اۋ! باسقا ەندەرٸمنٸڭ مەتٸنٸن وقىپ كٶرٸڭٸز, بۇلاي ٸشٸڭٸز اشىماس".
ارتىنشا جانداربەك بۇلعاقوۆ ەنشٸ سىنعا دايىن بولۋ كەرەك ەكەنٸن, تٸلگە جانى اشيتىنىن جەتكٸزدٸ.
"قارىنداسىم, باعىڭ جانىپ, باقىتىڭ اشىلسىن. ورىنداۋشىلىعىڭ مەن داۋسىڭا باسقا كەسٸبي ماماندار پٸكٸر ايتار. بٸراق دەل مىنا مەتٸننٸڭ ماعىناسى جوق. مەن ونى سٶز تٷسٸنەتٸن قازاق رەتٸندە ايتىپ وتىرمىن. ٶنەرگە كەلگەن ەكەنسٸڭ, ەلدٸڭ اسىرا ماقتاۋىنا دا, جٸگەرٸڭدٸ جانىعان سىني پٸكٸرٸنە دە دايىن بول. ٸشٸمٸز اشىعاننان ەمەس تٸلگە جانىمىز اشىعاننان سٶيلەيمٸز", - دەدٸ ول.
جەلٸ قولدانۋشىلارىنىڭ باسىم بٶلٸگٸ اقىندى سىناعان:
"بۇل - رەپ جانرى, ەڭلٸك دەگەن قارا قىزىمىزدىڭ كەرەمەت تۋىندىسى. بۇل تۋىندى ارقىلى قازاق تٸلٸنە, جەرٸنە شەت ەلدٸڭ ازاماتتارى قىزىعۋشىلىقپەن قاراپ جاتىر", "اعا رەتٸندە, "تٸل جاناشىرى" رەتٸندە وسى بٸر سىن پٸكٸردٸ ەڭلٸكتٸ جەكە شاقىرىپ الىپ ايتىپ, اقىل-كەڭەس بەرۋگە قولىڭىز جەتەدٸ عوي نەگٸزٸ, پاراساتىڭىزدىڭ جەتپەگەنٸ ٶكٸنٸشتٸ".
