Keler jyldan bastap Túrkistan óńirindegi 88 kásiporynda ailyq jalaqy kóterilip, eń tómengi jalaqy kóbeiedi.
Bul týraly Túrkistan oblysynyń ákimi Janseiit Túimebaev «Elbasy Joldaýy men «Rýhani jańǵyrý» baǵdarlamasyn júzege asyrý jáne Túrkistan qalasyn damytý barysy» taqyrybynda Ortalyq kommýnikatsiialar qyzmetiniń Túrkistan qalasynda tuńǵysh ret ótkizgen kóshpeli baspasóz konferentsiiasynda málimdedi.
Elbasy Nursultan Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna arnaǵan Joldaýynda: "Úkimetke 2019 jyldyń 1 qańtarynan bastap eń tómengi jalaqyny 1,5 ese, iaǵni 28 myńnan 42 myńǵa deiin ósirýdi tapsyramyn. Bul barlyq sala boiynsha túrli menshik nysandaryndaǵy kásiporyndarda jumys isteitin 1 million 300 myń adamnyń eńbekaqysyn tikelei qamtidy. Biýdjettik mekemelerde jumys isteitin 275 myń qyzmetkerdiń eńbekaqysy kóbeiip, orta eseppen 35 paiyzǵa ósedi. Osy maqsattarǵa 2019-2021 jyldarda respýblikalyq biýdjetten jyl saiyn 96 milliard teńge bólý kerek", degen bolatyn.
Osyǵan bailanysty, oblys ákimi QR Prezidenti N.Nazarbaevtyń Qazaqstan halqyna arnaǵan Joldaýy boiynsha Túrkistan oblysynda atqarylyp jatqan sharalarǵa toqtaldy.
"Joldaýǵa sai bizdiń óńirde aldaǵy ýaqytta atqarylatyn jumystar týraly aitatyn bolsaq. Aldymen, oblystaǵy kásiporyn basshylary eń tómen jalaqyny kóterý máselesin qoldaitynyn bildirip, iske kiristi.
"Búgingi tańǵa oblys aýmaǵynda 9798 kásiporyny bar. Eń tómengi jalaqyny kóterý boiynsha túsindirý jumystary júrgizilip, nátijesinde ázirge 88 kásiporynynda jalaqyny 2019 jyldyń 1 qańtarynan bastap kóterýge kelisti. Bul taǵy da kóbeiedi" - dedi ákim.
Aimaq basshysy baspasóz jiynynda Túrkistan oblysynyń bilim salasyna engizgen JUMYS.SITCEN.KZ júiesin Qazaqstan Respýblikasynyń Prezidenti Ákimshiligi respýblikada eń úzdik júie retinde tańdaǵanyn aityp, qazir basqa ónirlerge taratý máselesi qolǵa alynǵanyn jetkizdi. Nátijesinde, jańartylǵan bilim berý mazmunymen sabaq beretin 32 532 pedagogtyń ailyq jalaqysyna qosymsha 30% qosylǵan. Budan bólek, ol osy jyldyń qyrkúiek aiynan bastap jańa format boiynsha 4 200 pedagogtyń ailyq jalaqy sanattaryna qarai 30-50 paiyz ústemaqy tólenip jatqanyn da málimdedi (1 mlrd. 67 mln. teńge qaralǵan).
Oblysymyzda 468 197 oqýshy qamtityn 902 orta bilim berý uiymy jumys isteidi. Bilim berý uiymdarynda jalpy 60 555 pedagog kadrlar qyzmet etedi (2017 jyly – 55147), ótken jylmen salystyrǵanda 5 408-ge ósti.
Sondai-aq, otyrysta oblystyń meditsina salasyndaǵy jańalyqtar da jariia etildi. Iaǵni, alǵashqy meditsinalyq sanitariialyq kómek (AMSK) deńgeiinde basymdyqty jáne negizgi aýrýlardy basqarýdy qamtamasyz etý maqsatynda Túrkistanda oblysynda Aýrýlardy basqarý baǵdarlamasy (budan ári - ABB) engizilýde. Aǵymdaǵy jyly Túrkistan oblysynyń 23 alǵashqy meditsinalyq sanitariialyq kómek (AMSK) uiymdarynda úsh nozologiia boiynsha aýrýlardy basqarý baǵdarlamasy engizilgen.
2019 jyldyń 1 qańtarynan bastap Baǵdarlama aiasynda meditsina qyzmetkerlerin oqytyp, sertifikat alǵandarǵa jalaqysyna 20 paiyz qosymsha aqy tóleý arqyly kezeń-kezeńimen ósirý josparlanýda.
Aita keteiik, oblysta jalpy 38 meditsinalyq uiymnyń barlyǵy elektrondy qujat ainalymyna ótken (100%). Al, 121 meditsinalyq formanyń 74 elektrondy formatqa ótken (61,1%). Sonymen qatar, óńirde 1 768 871 elektrondy densaýlyq pasporty qurylǵan.
