2025 jyldyń segiz aiynda Qazaqstanda probatsiialyq baqylaýda bolǵan 2 354 sottalǵan qaitadan koloniiaǵa qaitaryldy, dep habarlaidy Dalanews.kz.
Bul sheshimdi probatsiia qyzmetteriniń usynysy boiynsha sottar qabyldaǵanyn Bas prokýratýra habarlady.
Negizgi sebepter:
Qaita koloniiaǵa jiberýdiń negizine eki ret tártip buzý nemese bir ret qasaqana zań buzý jatady. Mundai áreketterge usaq buzaqylyq, tynyshtyqty buzý, qoǵamdyq oryndarda mas kúide júrý jáne basqa da tártipke qaishy ister kiredi.
Mysaly Qarasai aýdanynda 3 jyl 2 aiǵa bas bostandyǵyn shekteý jazasyna kesilgen áiel bir aidyń ishinde alty ret qoǵamdyq tártipti buzǵan. Sot ony jazasynyń qalǵan bóligin koloniiada óteýge jibergen.
Erejelerdiń saqtalýyn qadaǵalaý «Tsifrlyq baqylaý» jobasy arqyly kúsheitilýde. Qoǵamdyq oryndarǵa ornatylǵan «smart-kameralar» tek jaz ailarynda 92 eseptegi azamattyń 209 tártip buzýshylyǵyn anyqtaǵan. Eń jii kezdeskenderi – túnde úiden shyǵý, tyiym salynǵan oryndarǵa barý jáne aýdannan tysqary jerge shyǵý.
