2025 جىلدىڭ سەگٸز ايىندا قازاقستاندا پروباتسييالىق باقىلاۋدا بولعان 2 354 سوتتالعان قايتادان كولونيياعا قايتارىلدى, دەپ حابارلايدى Dalanews.kz.
بۇل شەشٸمدٸ پروباتسييا قىزمەتتەرٸنٸڭ ۇسىنىسى بويىنشا سوتتار قابىلداعانىن باس پروكۋراتۋرا حابارلادى.
نەگٸزگٸ سەبەپتەر:
قايتا كولونيياعا جٸبەرۋدٸڭ نەگٸزٸنە ەكٸ رەت تەرتٸپ بۇزۋ نەمەسە بٸر رەت قاساقانا زاڭ بۇزۋ جاتادى. مۇنداي ەرەكەتتەرگە ۇساق بۇزاقىلىق, تىنىشتىقتى بۇزۋ, قوعامدىق ورىنداردا ماس كٷيدە جٷرۋ جەنە باسقا دا تەرتٸپكە قايشى ٸستەر كٸرەدٸ.
مىسالى قاراساي اۋدانىندا 3 جىل 2 ايعا باس بوستاندىعىن شەكتەۋ جازاسىنا كەسٸلگەن ەيەل بٸر ايدىڭ ٸشٸندە التى رەت قوعامدىق تەرتٸپتٸ بۇزعان. سوت ونى جازاسىنىڭ قالعان بٶلٸگٸن كولونييادا ٶتەۋگە جٸبەرگەن.
ەرەجەلەردٸڭ ساقتالۋىن قاداعالاۋ «تسيفرلىق باقىلاۋ» جوباسى ارقىلى كٷشەيتٸلۋدە. قوعامدىق ورىندارعا ورناتىلعان «سمارت-كامەرالار» تەك جاز ايلارىندا 92 ەسەپتەگٸ ازاماتتىڭ 209 تەرتٸپ بۇزۋشىلىعىن انىقتاعان. ەڭ جيٸ كەزدەسكەندەرٸ – تٷندە ٷيدەن شىعۋ, تىيىم سالىنعان ورىندارعا بارۋ جەنە اۋداننان تىسقارى جەرگە شىعۋ.
