Reseı Memlekettik Dýmasy «Roskosmosqa» ǵarysh nysandarynda jarnama ornalastyrýǵa ruqsat beretin zańdy qabyldady, dep habarlaıdy Dalanews.kz.
Qujat (№465445-8) 2023 jyldyń qarashasynda senatorlar men depýtattar toby tarapynan engizilgen edi. Zańǵa sáıkes, «Roskosmos» korporasıasyna ǵarysh ınfraqurylymy nysandarynda syrtqy jarnama ornatý, sondaı-aq ǵarysh tehnıkasyna jarnama ornalastyrý quqyǵy beriledi.
Jarnama ornalastyrý erejeleri:
-
Federaldyq menshiktegi ǵarysh obektilerinde jarnamany konkýrssyz ornatýǵa tek zańda kórsetilgen jaǵdaılarda ǵana jol beriledi;
-
Qalǵan jaǵdaıda jarnama kelisimsharttary tek saýda-sattyq arqyly rásimdelýi tıis;
-
Jarnama úshin tólem kólemi men merzimin Reseı úkimeti bekitedi. Barlyq túsimniń jartysy federaldyq búdjetke, qalǵan bóligi «Roskosmos» rezervtik qoryna baǵyttalady.
Potensıaldy tapsyrys berýshiler retinde reseılik bankter men saqtandyrý kompanıalary atalyp otyr. Aldyn ala zertteýlerge sáıkes, olar ǵarysh apparattaryna ataý berýge de múddeli.
Qandaı paıda kútiledi?
-
Ǵarysh tehnıkasyna jarnama ornalastyrýdan jylyna shamamen 200 mln rúbl;
-
Ǵarysh ınfraqurylymyndaǵy syrtqy jarnamadan jylyna 5 mln rúbl.
Buǵan deıingi tájirıbeler:
-
1990-jyldary «Mır» stansıasynan shyqqan ǵaryshkerler Pepsi-Cola bankisiniń úlgisin kórsetti.
-
2001 jyly «Zvezda» modýlin jetkizgen zymyranǵa Pizza Hut logotıpi salyndy.
-
Keıin S7 áýe kompanıasynyń jarnamasy túsirildi.
-
2021 jyly «Roskosmos» zymyranǵa banner ilip, orbıtadan «Sberbanktiń» 180 jyldyǵymen quttyqtady.
-
2022 jyly Halyqaralyq ǵarysh stansıasynda «Vyzov» kórkem fılmi túsirildi.
Zań 2026 jyldyń 1 qańtarynan bastap kúshine enedi.
