“روسكوسموس” ەندٸ جارنامادان تابىس تابادى. رەسەي زاڭ قابىلدادى

رەسەي مەملەكەتتٸك دۋماسى «روسكوسموسقا» عارىش نىساندارىندا جارناما ورنالاستىرۋعا رۇقسات بەرەتٸن زاڭدى قابىلدادى, دەپ حابارلايدى Dalanews.kz.

قۇجات (№465445-8) 2023 جىلدىڭ قاراشاسىندا سەناتورلار مەن دەپۋتاتتار توبى تاراپىنان ەنگٸزٸلگەن ەدٸ. زاڭعا سەيكەس, «روسكوسموس» كورپوراتسيياسىنا عارىش ينفراقۇرىلىمى نىساندارىندا سىرتقى جارناما ورناتۋ, سونداي-اق عارىش تەحنيكاسىنا جارناما ورنالاستىرۋ قۇقىعى بەرٸلەدٸ.

جارناما ورنالاستىرۋ ەرەجەلەرٸ:

• فەدەرالدىق مەنشٸكتەگٸ عارىش وبەكتٸلەرٸندە جارنامانى كونكۋرسسىز ورناتۋعا تەك زاڭدا كٶرسەتٸلگەن جاعدايلاردا عانا جول بەرٸلەدٸ;

• قالعان جاعدايدا جارناما كەلٸسٸمشارتتارى تەك ساۋدا-ساتتىق ارقىلى رەسٸمدەلۋٸ تيٸس;

• جارناما ٷشٸن تٶلەم كٶلەمٸ مەن مەرزٸمٸن رەسەي ٷكٸمەتٸ بەكٸتەدٸ. بارلىق تٷسٸمنٸڭ جارتىسى فەدەرالدىق بيۋدجەتكە, قالعان بٶلٸگٸ «روسكوسموس» رەزەرۆتٸك قورىنا باعىتتالادى.

پوتەنتسيالدى تاپسىرىس بەرۋشٸلەر رەتٸندە رەسەيلٸك بانكتەر مەن ساقتاندىرۋ كومپانييالارى اتالىپ وتىر. الدىن الا زەرتتەۋلەرگە سەيكەس, ولار عارىش اپپاراتتارىنا اتاۋ بەرۋگە دە مٷددەلٸ.

قانداي پايدا كٷتٸلەدٸ?

• عارىش تەحنيكاسىنا جارناما ورنالاستىرۋدان جىلىنا شامامەن 200 ملن رۋبل;

• عارىش ينفراقۇرىلىمىنداعى سىرتقى جارنامادان جىلىنا 5 ملن رۋبل.

بۇعان دەيٸنگٸ تەجٸريبەلەر:

• 1990-جىلدارى «مير» ستانتسيياسىنان شىققان عارىشكەرلەر Pepsi-Cola بانكٸسٸنٸڭ ٷلگٸسٸن كٶرسەتتٸ.

• 2001 جىلى «زۆەزدا» مودۋلٸن جەتكٸزگەن زىمىرانعا Pizza Hut لوگوتيپٸ سالىندى.

• كەيٸن S7 ەۋە كومپانيياسىنىڭ جارناماسى تٷسٸرٸلدٸ.

• 2021 جىلى «روسكوسموس» زىمىرانعا باننەر ٸلٸپ, وربيتادان «سبەربانكتٸڭ» 180 جىلدىعىمەن قۇتتىقتادى.

• 2022 جىلى حالىقارالىق عارىش ستانتسيياسىندا «ۆىزوۆ» كٶركەم فيلمٸ تٷسٸرٸلدٸ.

زاڭ 2026 جىلدىڭ 1 قاڭتارىنان باستاپ كٷشٸنە ەنەدٸ.