ەلەۋمەتتٸك جەلٸدە تانىمال الاگٶزوۆتار وتباسىنىڭ ەسٸمٸن پايدالانىپ, جۇرتتان اقشا جيناۋعا شاقىراتىن كٷمەندٸ جوبالار پايدا بولدى, دەپ حابارلايدى dalanews.kz.
بۇل تۋرالى بەلگٸلٸ تەلەجۋرناليست ايگٷل مٷكەي ايتىپ, قازاقستاندىقتاردى اباي بولۋعا ٷندەدٸ. ونىڭ سٶزٸنشە, ەلگە تانىمال ادامداردىڭ اتىمەن تارالاتىن جارنامالارعا بٸردەن سەنۋگە بولمايدى. سەبەبٸ مۇنداي ۇسىنىستاردىڭ ارتىندا الاياقتىق سحەما تۇرۋى مٷمكٸن.
جۋرناليستٸڭ ايتۋىنشا, كٷمەن تۋدىرعان باعدارلامالاردىڭ بٸرٸنە قاتىسۋ ٷشٸن الدىمەن 20 مىڭ تەڭگە, كەيٸن تاعى 100 مىڭ تەڭگە اۋدارۋ تالاپ ەتٸلگەن. ايگٷل مٷكەي مۇنداي جاعدايدا ادامداردىڭ وڭاي اقشاعا قىزىعىپ, الدانىپ قالۋى مٷمكٸن ەكەنٸن ەسكەرتتٸ.
ول ەشكٸمنٸڭ سەبەپسٸز اقشا تاراتپايتىنىن ايتىپ, "تەگٸن ٸرٸمشٸك تەك قاقپاندا بولادى" دەگەن قاعيدانى ۇمىتپاۋعا شاقىردى. جۋرناليست كەز كەلگەن قارجىلىق جوباعا قاتىسپاس بۇرىن ونىڭ شىنايىلىعىن مۇقييات تەكسەرۋ قاجەت ەكەنٸن جەتكٸزدٸ.
جەلٸ قولدانۋشىلارى دا بۇل ەسكەرتۋدٸ قولداپ, تانىمال تۇلعالاردىڭ نەمەسە قايىرىمدىلىق قورلارىنىڭ اتىن جامىلىپ اقشا سۇرايتىندارعا سەنبەۋگە كەڭەس بەردٸ. ولاردىڭ پٸكٸرٸنشە, الدىن الا جارنا نەمەسە قوسىمشا تٶلەم تالاپ ەتەتٸن جوبالارعا اسا ساقتىقپەن قاراعان جٶن.
قولدانۋشىلار قازاقستاندىقتاردى كٷمەندٸ سٸلتەمەلەرگە ٶتپەۋگە, جەكە دەرەكتەرٸن بٶگدە ادامدارعا بەرمەۋگە جەنە اقشا اۋدارماس بۇرىن اقپاراتتىڭ راس-ٶتٸرٸگٸن رەسمي دەرەككٶزدەر ارقىلى تەكسەرۋگە شاقىردى.
