تانىمال ەنشٸ ەرٸ ۇستاز ناعيما ەسقاليەۆا ٶنەردەگٸ ەرٸپتەسٸ روزا رىمباەۆاعا قاتىستى ويىن ايتتى, دەپ حابارلايدى dalanews.kz.
جۋرناليست تيمۋر بالىمبەتوۆ سۇحبات بارىسىندا ناعيما ەسقاليەۆادان روزا رىمباەۆانىڭ سوڭعى ۋاقىتتا ساحنامەن قوشتاسۋ تۋرالى جيٸ ايتۋىنىڭ سەبەبٸن سۇراعان.
ەنشٸ ەرٸپتەسٸنٸڭ ساحنادان بٸرجولا كەتەتٸنٸنە سەنبەيتٸنٸن جەتكٸزدٸ. ونىڭ ايتۋىنشا, روزا رىمباەۆا ٶنەرسٸز ٶمٸر سٷرە المايتىن تۇلعا.
"جىندى ما ول? ول قايدا كەتپەكشٸ? پۋگاچەۆانىڭ ٶزٸ جٷز رەت كەتٸپ, جٷز رەت كەلگەن. ول نەمەرەسٸمەن ۇزاققا وتىرا المايدى. ول ساحناسىز ٶمٸر سٷرە المايدى. بۇل ونىڭ ٶمٸرٸ", – دەدٸ ناعيما ەسقاليەۆا.
سونىمەن قاتار ول روزا رىمباەۆانى ۇستازدىققا بٸرنەشە رەت شاقىرعانىن ايتتى. الايدا ەنشٸ بۇل ۇسىنىسقا كەلٸسپەگەن.
ناعيما ەسقاليەۆانىڭ سٶزٸنشە, روزا رىمباەۆا اكادەمييادا ساباق بەرسە, كٶپتەگەن ستۋدەنتكە جول اشىپ, مىقتى پەداگوگ بولار ەدٸ.
"ول بٸزدٸڭ اكادەمييادا ۇستازدىق ەتسە, بٸراز ستۋدەنتتٸڭ باعىن اشار ەدٸ. ٶتە كەرەمەت پەداگوگ بولاتىن ەدٸ", – دەدٸ ول.
