Tanymal ánshi ári ustaz Naǵima Esqalieva ónerdegi áriptesi Roza Rymbaevaǵa qatysty oiyn aitty, dep habarlaidy dalanews.kz.
Jýrnalist Timýr Balymbetov suhbat barysynda Naǵima Esqalievadan Roza Rymbaevanyń sońǵy ýaqytta sahnamen qoshtasý týraly jii aitýynyń sebebin suraǵan.
Ánshi áriptesiniń sahnadan birjola ketetinine senbeitinin jetkizdi. Onyń aitýynsha, Roza Rymbaeva ónersiz ómir súre almaityn tulǵa.
"Jyndy ma ol? Ol qaida ketpekshi? Pýgachevanyń ózi júz ret ketip, júz ret kelgen. Ol nemeresimen uzaqqa otyra almaidy. Ol sahnasyz ómir súre almaidy. Bul onyń ómiri", – dedi Naǵima Esqalieva.
Sonymen qatar ol Roza Rymbaevany ustazdyqqa birneshe ret shaqyrǵanyn aitty. Alaida ánshi bul usynysqa kelispegen.
Naǵima Esqalievanyń sózinshe, Roza Rymbaeva akademiiada sabaq berse, kóptegen stýdentke jol ashyp, myqty pedagog bolar edi.
"Ol bizdiń akademiiada ustazdyq etse, biraz stýdenttiń baǵyn ashar edi. Óte keremet pedagog bolatyn edi", – dedi ol.
