بيىل مەملەكەت جەنە قوعام قايراتكەرٸ التىنبەك سەرسەنباەۆتىڭ, ونىڭ وققاعارى باۋىرجان بايبوسىنوۆتىڭ جەنە جٷرگٸزۋشٸسٸ ۆاسيليي جۋراۆلەۆتٸڭ قازا تاپقانىنا 20 جىل تولدى. وسى داتاعا وراي ساياساتكەردٸڭ تۋىستارى جاڭا مەلٸمدەمە جاساپ, ٸستٸ قايتا قاراۋ مەسەلەسٸن كٶتەردٸ, دەپ dalanews.kz تٸلشٸسٸ Malim.kz سايتىنا سٸلتەمە جاساپ حابارلايدى.
سەرسەنباەۆتىڭ جاقىندارى قازاقستان رەسپۋبليكاسىنىڭ باس پروكۋرورىنا قىلمىستىق ٸستٸ "جاڭادان اشىلعان مەن-جايلار" نەگٸزٸندە قايتا جانداندىرۋ تۋرالى ٶتٸنٸش جولداعان.
ٶتٸنٸش مەتٸنٸندە تەرگەۋ مەن سوت تالقىلاۋى بارىسىندا بٸرقاتار ٶرەسكەل زاڭبۇزۋشىلىقتار كەتكەنٸ, سونداي-اق كەي ماڭىزدى جايتتارعا تيٸستٸ قۇقىقتىق باعا بەرٸلمەگەنٸ ايتىلعان.
قۇجاتتا ٸس ماتەريالدارىنا قاتىسى بار دەلٸنەتٸن اۋديوجازباعا دا سٸلتەمە جاسالعان. ٶتٸنٸش اۆتورلارىنىڭ مەلٸمەتٸنشە, جازبادا نۇرسۇلتان نازارباەۆقا تيەسٸلٸ دەلٸنەتٸن "ٸس بويىنشا بەرٸ دەلەلدەنگەن, الاڭداۋدىڭ قاجەتٸ جوق, بٸر ايدان كەيٸن سوتقا بەرٸلەدٸ, حالىق بٷگٸن ايتادى دا, ەرتەڭ ۇمىتادى" دەگەن مازمۇنداعى سٶزدەر كەلتٸرٸلەدٸ.
سەرسەنباەۆتىڭ تۋىستارى بۇل جايت سوت ٷكٸمٸنٸڭ الدىن الا ايقىندالعان بولۋى مٷمكٸن دەگەن كٷدٸك تۋعىزاتىنىن العا تارتادى.
"ياعني سوت باستالعانعا دەيٸن بٸر اي بۇرىن شەشٸم قابىلدانىپ قويعان, ال سوت پروتسەسٸ تەك قوعام ٷشٸن ۇيىمداستىرىلعان كٶرٸنٸس بولعان", – دەلٸنگەن مەلٸمدەمەدە.
سونىمەن قاتار ٶتٸنٸشتە قازاقستاننىڭ تۇڭعىش پرەزيدەنتٸنەن جاۋاپ الۋ قاجەتتٸگٸ اتاپ ٶتٸلگەن.
"اتالعان اۋديوجازبانىڭ ٶزٸ ٷكٸمدٸ قايتا قاراۋعا نەگٸز بولا الادى. وسى مەسەلە بويىنشا نازارباەۆ ن.ە. جاۋاپقا تارتىلۋى تيٸس", – دەيدٸ ٶتٸنٸش يەلەرٸ.
سەرسەنباەۆتىڭ جاقىندارى بۇل قىلمىستى «ساياسي تەررور اكتٸسٸ» دەپ باعالاپ, ەكس-پرەزيدەنتتٸڭ وتباسى مٷشەلەرٸن قىلمىستىق جاۋاپكەرشٸلٸككە تارتۋ مەسەلەسٸن دە كٶتەرگەن.
