Memlekettik kirister komiteti qazaqstandyqtarǵa páter, úi, saiajai, garaj jáne basqa da jer ýchaskeleri úshin 2024 jylǵa eseptelgen múlik salyǵyn ýaqytynda tóleýdi eskertti. Bul tólem barlyq jyljymaityn múlik ielerine mindetti, - dep habarlaidy Dalanews.kz.
Qalai habarlandy?
Salyq somasy týraly qaǵaz túrindegi habarlamalar shildede jiberilgen. Sonymen birge, ekinshi deńgeili bankterdiń mobildi qosymshalary arqyly push-habarlamalar da taratylǵan.
Ýaqytynda tólemegen jaǵdaida:
-
1 qazannan keiin ár keshiktirilgen kún úshin ósimpul esepteledi.
-
Salyq organdary boryshkerge qaryz týraly eskertý jiberedi.
-
14 qarashadan bastap 1 AEK-ten (3 692 teńge) joǵary bereshek bolsa, óndirip alý týraly salyq buiryǵy shyǵarylady.
-
Eger budan keiingi 5 jumys kúni ishinde tólem jasalmasa, qujattar jeke sot oryndaýshylaryna beriledi.
Jeke sot oryndaýshylarynyń ókilettikteri:
-
Boryshkerdiń bank shottary men qarjysyn buǵattaý;
-
Jyljymaityn múlik pen ózge de múlikke qatysty mámilelerdi shekteý;
-
Eger qaryz 40 AEK-ten (147 680 teńge) assa, boryshkerdiń elden shyǵýyna tyiym salý.
