Jambyl oblysynda halyqaralyq mańyzy bar «Batys Eýropa – Batys Qytai» avtojoly boiynda, Merki aýdany Aqtoǵan aýylynyń mańynda alǵashqy zamanaýi Keruen Inn qonaqúii paidalanýǵa berildi, dep habarlaidy Dalanews.kz.
Saltanatty sharaǵa oblys ákiminiń orynbasary Ábilhaiyr Tamabek, Merki aýdanynyń ákimi Erbol Jienqulov jáne jergilikti turǵyndar qatysty.
Bul nysan Prezident tapsyrmasyna sáikes QR Úkimeti janyndaǵy Investitsiialar tartý jónindegi keńeste maquldanǵan «2025–2029 jyldary Qazaq Oil-dyń 60 jol boiyndaǵy qonaqúii» baǵdarlamasy aiasynda júzege asyryldy. Joba tolyqtai jeke investitsiialar esebinen qarjylandyrylǵan.
– Memleket basshysynyń bastamasymen elimizde kólik-logistikalyq infraqurylymdy damytý, halyqqa sapaly qyzmet kórsetý baǵytynda aýqymdy jumystar júrgizilýde. Sonyń aiasynda óńirimizde de zamanaýi talaptarǵa sai servistik keshenderdiń sany artyp keledi. Bul keshen jol júrginshilerine qolaily jaǵdai jasaýmen qatar, jergilikti halyqqa jańa jumys oryndaryn usynyp, kásipkerlikti damytýǵa jol ashady. Osyndai igi bastamalar el ekonomikasynyń ósýine jáne azamattardyń ál-aýqatynyń artýyna úles qosatyny sózsiz, – dedi Ábilhaiyr Tamabek.
Odan keiin Qazaq Oil bas direktory Tólemis Shotanov, «QazAvtoJol» UK» AQ basqarma tóraǵasy Darhan Imanashev jáne ózge de qonaqtar quttyqtaý sóz sóiledi.
Baǵdarlama aiasynda aldaǵy jyldary eldiń negizgi kólik dálizderi – «Batys Eýropa – Batys Qytai», «Soltústik – Ońtústik», sondai-aq shekara beketteri men týristik áleýeti joǵary aimaqtarda osyndai zamanaýi qonaqúiler jelisi ashylmaq.
Keruen Inn qonaqúii – saparda jaily demalýdyń jańa múmkindigi. Aýmaǵy 900 sharshy metrden asatyn nysanda 31 standartty nómir bar. Ár bólme jeke dýshpen, sanitarlyq torappen, teledidar jáne tegin Wi-Fi jelisimen jabdyqtalǵan. Qonaqtarǵa qajetti barlyq qolaily jaǵdai jasalǵan, sonyń ishinde gigienalyq quraldar da qarastyrylǵan.
Keshen aýmaǵynda keń mázir usynatyn kafe, kúzetiletin avtoturaq, kir jýý qyzmeti, jolǵa qajetti taýarlar dúkeni, janarmai quiý stantsiiasy jáne elektr kólikterine arnalǵan qýattaý beketi bar.
Jobany júzege asyrǵan Qazaq Oil kompaniiasy elimizde zamanaýi jol boiy servisiniń biryńǵai ekojúiesin qalyptastyrýdy maqsat etip otyr.
«Qazaq Oil-dyń 2025–2029 jyldarǵa arnalǵan 60 jol boiyndaǵy qonaqúi» baǵdarlamasy aiasynda boi kóteretin barlyq nysan halyqaralyq standarttarǵa sai salynyp, energiia tiimdiligi talaptaryn saqtaityn bolady.
