Túrkistan qalasynda «Túrkistan – Uly Jibek jolyndaǵy halyqaralyq yntamaqtastyq ortalyǵy» taqyrybynda jergilikti ózin-ózi basqarý organdarynyń ekinshi yntymaqtastyq forýmy ótýde. Alǵashqy «Ortalyq Aziia – Koreia» forýmy byltyr Koreia Respýblikasynda ótken bolatyn. Búgingi kezdesý osy mańyzdy missiianyń jalǵasy retinde tájiribe almasýǵa jáne naqty sheshimder qabyldaýǵa múmkindik beretin alańǵa ainaldy, dep habarlaidy Dalanews.kz.
Ortalyq Aziia – Koreia halyqaralyq forýmyna Koreia jáne Orta Aziia elderiniń, sondai-aq elimizdiń ózge óńirleriniń delegatsiiasy qatysty. Delegatsiia quramynda Koreia Respýblikasynyń Qazaqstandaǵy elshisi Chjo Te Ik, «GAROK» qaýymdastyǵynyń bas hatshysy Iu Min Bon, Qyrǵyzstan Respýblikasy Ministrler kabineti janyndaǵy Memlekettik qyzmet jáne jergilikti ózin-ózi basqarý isteri jónindegi memlekettik agenttiktiń jergilikti ózin-ózi basqarýdy damytý basqarmasynyń basshysy Djeenbaev Baktyiarbek, «Woosong University Kazakhstan» ýniversitetiniń direktory Chon Iong Hva bar.
Aldymen, halyqaralyq forýmda Túrkistan oblysynyń investitsiialyq múmkindikteriniń tanystyrylymy kórsetildi.
Forýmda Túrkistan oblysynyń ákimi Nuralhan Kósherov alǵysóz alyp, Túrkistan oblysy strategiialyq áriptestikti nyǵaitýǵa, óńiraralyq bailanysty keńeitýge jáne birlesken bastamalardy iske asyrýǵa daiyn ekenin jetkizdi.
– Qazaqstan – Koreia arasynda strategiialyq seriktestik nyǵaiyp keledi. Qazirgi ýaqytta Qazaqstanda ekonomikany ártaraptandyrý, institýtsionaldyq áleýetti nyǵaitý jáne sheteldik investorlar úshin barynsha qolaily orta qalyptastyrýǵa baǵyttalǵan aýqymdy reformalar júzege asyrylýda. Osy ózgerister aiasynda Túrkistan oblysy Koreia elimen halyqaralyq áriptestikti damytýǵa jáne Ortalyq Aziiadaǵy senimdi saýda-ekonomikalyq seriktes retindegi ustanymyn kúsheitýge erekshe nazar aýdaryp otyr. Qazaqstan men Koreia arasyndaǵy yntymaqtastyqtyń mańyzdy nátijeleriniń biri – Túrkistan oblysynda qýattylyǵy 926 MVt bolatyn bý-gaz elektr stantsiiasy qurylysynyń bastalýy boldy. Atalǵan joba «Samruk-Kazyna» qory men Ońtústik Koreianyń «Doosan Enerbility» kompaniiasymen birlesip júzege asyrylýda. Bul Qazaqstannyń energetika salasyndaǵy iri investitsiialardyń biri. Óziniń strategiialyq geografiialyq ornalasýynyń arqasynda Túrkistan oblysy Ortalyq Aziiadaǵy mańyzdy kólik-logistikalyq hab rólin atqarady. Biz osy áleýetti investitsiia tartý, eksporttyq múmkindikterdi arttyrý jáne sheteldik seriktestermen, sonyń ishinde Koreiamen ekonomikalyq bailanysty nyǵaitý úshin tiimdi paidalanýǵa daiynbyz. Memleket basshylarynyń ózara senimi men qoldaýynyń arqasynda Ortalyq Aziiada tatý kórshilik, dostyq pen ózara qoldaýǵa negizdelgen erekshe yntymaqtastyq úlgisi qalyptasty. Túrkistan oblysy Koreia memleketimen strategiialyq áriptestikti nyǵaitýǵa, óńiraralyq bailanysty keńeitýge jáne birlesken bastamalardy iske asyrýǵa daiyn, – degen Nuralhan Oralbaiuly jańa jobalardy júzege asyrýǵa jan-jaqty qoldaý kórsetiletinin aityp, uzaqmerzimdi yntymaqtastyqqa senim bildirdi.
Sonymen qatar basqosýda Koreia Respýblikasynyń Qazaqstandaǵy elshisi Chjo Te Ik, «GAROK» qaýymdastyǵynyń bas hatshysy Iu Min Bon, Qyrǵyzstan Respýblikasy Ministrler kabineti janyndaǵy Memlekettik qyzmet jáne jergilikti ózin-ózi basqarý isteri jónindegi memlekettik agenttiktiń jergilikti ózin-ózi basqarýdy damytý basqarmasynyń basshysy Djeenbaev Baktyiarbek, «Woosong University Kazakhstan» ýniversitetiniń direktory Chon Iong Hva sóz alyp, seriktestik ornatýǵa daiyn ekenderin jetkizdi.
Kóp ǵasyrlar boiy Uly Jibek jolynyń júregi bolǵan Túrkistan – mádenietter men ideialar, saýda joldarynyń toǵysqan mekeni. Túrkistan oblysy halyqaralyq bailanystardy belsendi túrde damytyp keledi. Qytai Halyq Respýblikasynyń birqatar aimaqtarymen, Ortalyq Aziia elderimen jáne Túrkiiamen baýyrlas óńirlik qarym-qatynastar ornatylǵan. Yntymaqtastyqtyń jarqyn úlgisi – Qazaqstan men Ózbekstan arasynda birlesip qurylyp jatqan «Ortalyq Aziia» halyqaralyq saýda-ekonomikalyq yntymaqtastyq ortalyǵy.
Túrkistan oblysy – Qazaqstandaǵy jetekshi agrarlyq óńirlerdiń biri. Oblys maqta, kókónis jáne jemis-jidek ósirý boiynsha respýblikada 1 orynda. Jyl saiyn jylyjailar men egistik alqaptarynyń kólemi artýda. Salaǵa Koreianyń jasandy intellekt, robototehnika jáne biotehnologiiaǵa negizdelgen ozyq agrotehnologiialaryn, sonyń ishinde zamanaýi «aqyldy» jylyjailar salý tájiribesin engizý josparlanýda. Sonymen qatar oblystyń biregei tarihi eskertkishteri, bai mádenieti, qonaqjailylyǵy pen ásem tabiǵaty týrizmdi damytýǵa zor múmkindik beredi.
Túrkistan qalasynda IT salasynyń mamandaryn daiyndaityn Woosong ýniversitetiniń filialyn ashý – óńirdiń tsifrlyq transformatsiiasyna baǵyttalǵan mańyzdy qadam. Bul joba Qazaqstan men Koreia arasyndaǵy ǵylymi-bilim berý yntymaqtastyǵyn nyǵaita túspek.
Aita keteiik, 2024 jyldyń qorytyndysy boiynsha Koreia Respýblikasy Qazaqstan ekonomikasyna investitsiia quiý kólemi jaǵynan sheteldik iri investorlar arasynda úshinshi orynda. Ótken jyly eki el arasyndaǵy ekijaqty taýar ainalymy 3,1 mlrd AQSh dollaryna jetti. Búgingi tańda Qazaqstanda Hyundai, KIA, Samsung, LG, Doosan jáne basqa da 876 ońtústik koreialyq kompaniia tabysty jumys istep keledi.
