Túrkistan oblysynda Arys–Shardara tasjolynda bolǵan jol-kólik oqıǵasy saldarynan úsh kámeletke tolmaǵan qaza tapty, dep habarlaıdy Dala News.

22 sáýir kúni «Chevrolet Cobalt» jeńil kóligi men «KamAZ» júk kóligi soqtyǵysqan. Apat saldarynan jeńil kóliktegi úsh jolaýshy oqıǵa ornynda kóz jumdy.

Júrgizýshi jáne taǵy bir jolaýshy aýrýhanaǵa jetkizildi. Al júk kóliginiń júrgizýshisi ýaqytsha ustaý ızolátoryna qamaldy.

Aldyn ala málimet boıynsha, kámeletke tolmaǵan sportshylar jattyqtyrýshy-júrgizýshimen birge Túrkistan qalasyna jarysqa bara jatqan. Alaıda balalardy tasymaldaý týraly ýákiletti organdarǵa, sonyń ishinde polısıaǵa habar berilmegen.

Qazirgi ýaqytta oqıǵanyń barlyq mán-jaıyn anyqtaý boıynsha tergeý amaldary júrgizilip jatyr. Sondaı-aq balalardyń ómiri men densaýlyǵy qaýipsizdigin qamtamasyz etý mindetterin tıisinshe oryndamaý faktisi boıynsha sotqa deıingi tergeý bastaldy.

Tergeý nátıjesi boıynsha zańǵa sáıkes prosesýaldyq sheshim qabyldanady. Ózge aqparat tergeý múddesine baılanysty jarıa etilmeıdi.

Polısıa azamattardy jol qozǵalysy erejelerin qatań saqtaýǵa jáne jolda barynsha muqıat bolýǵa shaqyrdy.