GITEX AI Kazakhstan 2026 jahandyq forýmy qarsańynda Almatyda eldiń tsifrlyq transformatsiiasyn ilgeriletýge baǵyttalǵan mańyzdy bilim berý is-sharasy ótti, dep habarlaidy dalanews.kz.
Jasandy intellekt salasyndaǵy álemge tanymal sarapshy, doktor Kai-Fý Li Qazaqstannyń negizgi memlekettik organdary men kvazimemlekettik sektor basshylaryna arnalǵan «AI Class» avtorlyq kýrsyn ótkizdi. Baǵdarlamaǵa eldiń tsifrlandyrý salasynyń ókilderi qatysty, olardyń qatarynda Qazaqstan Respýblikasy Premer-Ministriniń orynbasary – Jasandy intellekt jáne tsifrlyq damý ministri Jaslan Mádiev, Qazaqstan Respýblikasy Prezidentiniń kómekshisi Qýanyshbek Esekeev, Ulttyq Bank tóraǵasy Timýr Súleimenov, sondai-aq «Qazaqtelekom» AQ, «UAT» AQ jáne basqa da kvazimemlekettik sektor ókilderi bar.
Doktor Kai-Fý Li – álemdik deńgeidegi tulǵa. Ol venchýrlyq kapitalist ári jasandy intellekt týraly bestsellerlerdiń avtory retinde tanylǵan, sondai-aq Qazaqstan Respýblikasy Prezidenti janyndaǵy jasandy intellektti damytý jónindegi keńestiń múshesi retinde strategiialyq mańyzdy ról atqarady. Osy qyzmetinde ol memleketke saraptamalyq qoldaý kórsetip, ulttyq kún tártibin qalyptastyrýǵa jáne memlekettik basqarý men ekonomikaǵa JI-diń ozyq standarttaryn engizýge yqpal etedi.
Ótken oqytý aiasynda doktor Li JI-di jańa irgeli óndiristik júie jáne ónimdilik infraqurylymy retinde tereń taldaýdy usyndy.
Doktor Kai-Fý Li atap ótkendei, «jasandy intellekt tarihtaǵy eń qýatty ósim draiverine ainalýda, ekonomikanyń jedeldeýi jáne tehnologiialar qunynyń 175 esege deiin tómendeýi jaǵdaiynda tabystyń negizgi faktory – engizý jyldamdyǵy men intellektýaldy júielermen jumys isteý qabileti».
Baǵdarlama avtonomdy JI-agentterdiń evoliýtsiiasy (ózdiginen josparlap, maqsattarǵa jete alatyn júieler), jahandyq tehnologiialyq landshaft jáne JI-di memlekettik sektorda qoldaný stsenariileri siiaqty asa mańyzdy baǵyttardy qamtydy. Qatysýshylar modelder men quraldardy biriktirýge qajetti platformalyq qabat tujyrymdamasymen, sondai-aq adam men algoritmderdiń ózara árekettesýiniń zamanaýi tásilderimen, sonyń ishinde prompt-injiniring jáne «vibe-coding» ádisterimen tanysty.
Intensiv aldaǵy forým qarsańynda eldiń tehnologiialyq blogy ókilderin daiarlaý kezeńderiniń biri boldy.
Sessiia qorytyndysy boiynsha qatysýshylar óz vedomstvolarynda innovatsiialyq bastamalardy iske asyrý úshin teoriialyq bilimmen qatar praktikalyq quraldardy da meńgerdi.
Eske salaiyq, erteń Almatyda alǵash ret jasandy intellektke arnalǵan Ortalyq Aziiadaǵy eń iri tehnologiialyq kórme – GITEX AI Kazakhstan 2026 ótedi. Forýmǵa 60-tan astam elden saiasatkerler, tehnologiialyq kompaniialar, startaptar men investorlar jinalady. Qatysýshylar qatarynda álemdik tehnologiialyq kóshbasshylar bar: Cisco, Cloudflare, Google Cloud, Huawei, Dell, H3C Technologies, Lenovo, Trend Micro, Hikvision, HP, Noventiq, Redington, Salesforce, Vertiv jáne Yandex jáne basqa da uiymdar.
