GITEX AI Kazakhstan 2026 جاھاندىق فورۋمى قارساڭىندا الماتىدا ەلدٸڭ تسيفرلىق ترانسفورماتسيياسىن ٸلگەرٸلەتۋگە باعىتتالعان ماڭىزدى بٸلٸم بەرۋ ٸس-شاراسى ٶتتٸ, دەپ حابارلايدى dalanews.kz.
جاساندى ينتەللەكت سالاسىنداعى ەلەمگە تانىمال ساراپشى, دوكتور كاي-فۋ لي قازاقستاننىڭ نەگٸزگٸ مەملەكەتتٸك ورگاندارى مەن كۆازيمەملەكەتتٸك سەكتور باسشىلارىنا ارنالعان «AI Class» اۆتورلىق كۋرسىن ٶتكٸزدٸ. باعدارلاماعا ەلدٸڭ تسيفرلاندىرۋ سالاسىنىڭ ٶكٸلدەرٸ قاتىستى, ولاردىڭ قاتارىندا قازاقستان رەسپۋبليكاسى پرەمەر-مينيسترٸنٸڭ ورىنباسارى – جاساندى ينتەللەكت جەنە تسيفرلىق دامۋ مينيسترٸ جاسلان مەديەۆ, قازاقستان رەسپۋبليكاسى پرەزيدەنتٸنٸڭ كٶمەكشٸسٸ قۋانىشبەك ەسەكەەۆ, ۇلتتىق بانك تٶراعاسى تيمۋر سٷلەيمەنوۆ, سونداي-اق «قازاقتەلەكوم» اق, «ۇات» اق جەنە باسقا دا كۆازيمەملەكەتتٸك سەكتور ٶكٸلدەرٸ بار.
دوكتور كاي-فۋ لي – ەلەمدٸك دەڭگەيدەگٸ تۇلعا. ول ۆەنچۋرلىق كاپيتاليست ەرٸ جاساندى ينتەللەكت تۋرالى بەستسەللەرلەردٸڭ اۆتورى رەتٸندە تانىلعان, سونداي-اق قازاقستان رەسپۋبليكاسى پرەزيدەنتٸ جانىنداعى جاساندى ينتەللەكتتٸ دامىتۋ جٶنٸندەگٸ كەڭەستٸڭ مٷشەسٸ رەتٸندە ستراتەگييالىق ماڭىزدى رٶل اتقارادى. وسى قىزمەتٸندە ول مەملەكەتكە ساراپتامالىق قولداۋ كٶرسەتٸپ, ۇلتتىق كٷن تەرتٸبٸن قالىپتاستىرۋعا جەنە مەملەكەتتٸك باسقارۋ مەن ەكونوميكاعا جي-دٸڭ وزىق ستاندارتتارىن ەنگٸزۋگە ىقپال ەتەدٸ.
ٶتكەن وقىتۋ اياسىندا دوكتور لي جي-دٸ جاڭا ٸرگەلٸ ٶندٸرٸستٸك جٷيە جەنە ٶنٸمدٸلٸك ينفراقۇرىلىمى رەتٸندە تەرەڭ تالداۋدى ۇسىندى.
دوكتور كاي-فۋ لي اتاپ ٶتكەندەي, «جاساندى ينتەللەكت تاريحتاعى ەڭ قۋاتتى ٶسٸم درايۆەرٸنە اينالۋدا, ەكونوميكانىڭ جەدەلدەۋٸ جەنە تەحنولوگييالار قۇنىنىڭ 175 ەسەگە دەيٸن تٶمەندەۋٸ جاعدايىندا تابىستىڭ نەگٸزگٸ فاكتورى – ەنگٸزۋ جىلدامدىعى مەن ينتەللەكتۋالدى جٷيەلەرمەن جۇمىس ٸستەۋ قابٸلەتٸ».
باعدارلاما اۆتونومدى جي-اگەنتتەردٸڭ ەۆوليۋتسيياسى (ٶزدٸگٸنەن جوسپارلاپ, ماقساتتارعا جەتە الاتىن جٷيەلەر), جاھاندىق تەحنولوگييالىق لاندشافت جەنە جي-دٸ مەملەكەتتٸك سەكتوردا قولدانۋ ستسەنارييلەرٸ سيياقتى اسا ماڭىزدى باعىتتاردى قامتىدى. قاتىسۋشىلار مودەلدەر مەن قۇرالداردى بٸرٸكتٸرۋگە قاجەتتٸ پلاتفورمالىق قابات تۇجىرىمداماسىمەن, سونداي-اق ادام مەن الگوريتمدەردٸڭ ٶزارا ەرەكەتتەسۋٸنٸڭ زاماناۋي تەسٸلدەرٸمەن, سونىڭ ٸشٸندە پرومپت-ينجينيرينگ جەنە «vibe-coding» ەدٸستەرٸمەن تانىستى.
ينتەنسيۆ الداعى فورۋم قارساڭىندا ەلدٸڭ تەحنولوگييالىق بلوگى ٶكٸلدەرٸن دايارلاۋ كەزەڭدەرٸنٸڭ بٸرٸ بولدى.
سەسسييا قورىتىندىسى بويىنشا قاتىسۋشىلار ٶز ۆەدومستۆولارىندا يننوۆاتسييالىق باستامالاردى ٸسكە اسىرۋ ٷشٸن تەورييالىق بٸلٸممەن قاتار پراكتيكالىق قۇرالداردى دا مەڭگەردٸ.
ەسكە سالايىق, ەرتەڭ الماتىدا العاش رەت جاساندى ينتەللەكتكە ارنالعان ورتالىق ازيياداعى ەڭ ٸرٸ تەحنولوگييالىق كٶرمە – GITEX AI Kazakhstan 2026 ٶتەدٸ. فورۋمعا 60-تان استام ەلدەن ساياساتكەرلەر, تەحنولوگييالىق كومپانييالار, ستارتاپتار مەن ينۆەستورلار جينالادى. قاتىسۋشىلار قاتارىندا ەلەمدٸك تەحنولوگييالىق كٶشباسشىلار بار: Cisco, Cloudflare, Google Cloud, Huawei, Dell, H3C Technologies, Lenovo, Trend Micro, Hikvision, HP, Noventiq, Redington, Salesforce, Vertiv جەنە Yandex جەنە باسقا دا ۇيىمدار.
