Semeide turǵyn úi kesheniniń qurylysynda qolynan aiyrylǵan 20 jastaǵy stýdentke qatysty tergeý aiaqtaldy, dep habarlaidy dalanews.kz.
Eńbek inspektsiiasy oqiǵaǵa tolyqtai jumys berýshi kináli degen qorytyndy shyǵardy.
Qaiǵyly jaǵdai 11 sáýir kúni jańa turǵyn úi kesheniniń qurylysynda bolǵan. Tergeý málimetinshe, jumys berýshi stýdentti eńbek qaýipsizdigi boiynsha nusqamadan ótkizbei jumysqa jibergen jáne onymen resmi eńbek kelisimshartyn jasamaǵan.
Stýdent beton aralastyrǵysh qurylǵyny tazalamaq bolǵan kezde onyń qolyn apparat tartyp ketip, shyntaqtan joǵary julyp alǵan.
Jas jigit aýyr jaǵdaida aýrýhanaǵa jetkizilip, oǵan shuǵyl ota jasalǵan.
Abai oblysy boiynsha memlekettik eńbek inspektsiiasy komiteti departamentiniń málimetinshe, jeke kásipkerge birden alty ákimshilik hattama toltyrylǵan.
«Jumys berýshi eńbek shartyn jasamaǵany, eńbek qaýipsizdigi boiynsha oqytý men nusqama ótkizbegeni, sondai-aq jazataiym jaǵdaidan saqtandyrý kelisimin rásimdemegeni úshin ákimshilik jaýapkershilikke tartyldy», - dep habarlady departament.
Jumys berýshige jalpy kólemi 160 AEK nemese shamamen 692 myń teńge aiyppul salynǵan.
Sonymen qatar zardap shekken stýdentke densaýlyǵyna keltirilgen ziian úshin jumys berýshiden sot arqyly ótemaqy óndirý usynylǵan.
